3. NOWAMBA 2021
MEXIKO
Uarkaun Pamela veuasoakt Äwaschwamunk aun de wastne Mäakaunt von Mexiko
Dän 13. Oktooba 2021 wia de Uarkaun Pamela bat aun de Mäakaunt von Mexiko. Dis Storm haft daut Numma 1 un haft stoakjen Wint, väl Räajen un Äwaschwamunk en de Jäajenden von Durango, Nayarit un Sinaloa veuasoakt.
Waut daut aun onse Breeda un Sestren deed
Kjeena von onse Breeda haft Schoden jekjräajen
112 Vekjindja musten äa Tus veloten
75 Hiesa haben een bät Schoden jekjräajen
1 Vesaumlungshus haft een bät Schoden jekjräajen
Woo utjeholpen wort
Onse Breeda sajen, daut dee reed wieren fa disen Uarkaun, wiels de Organisazion emma wada fa Owwadasch jewoarnt haft
Deejanje, waut von äa Tus veloten musten, sent von Frintschoft ooda Breeda oppjenomen worden
Fa 20 Vekjindja wort Äten jekoft
De Eltestasch en dise Jäajenden spräakjen dee Breeda Moot too
Bie aules, waut doa jedonen woat toom em Nootfaul uthalpen, woaren de COVID-19-Sechaheitsräajlen beacht
Doaderch, daut fuaz utjeholpen woat, es sea dietlich, woo Jehova om deejanje bekjemmat es, waut betroffen sent. Ons Gott es werkjlich eene “Tooflucht” (Psalm 59:17).
Veleicht jleichst du uk dit
WAUT FOAKEN JEFROACHT WOAT
Doonen Jehova siene Zeijen uthalpen, wan wua Owwadasch ooda Ojjlekjs passieren?
Hia kaust du seenen, woo wie onse Gloowesbreeda un uk aundre halpen, wan doa waut passieet es.