En dee Jäajenden, wua de Kjrich daut oajchste es, soo aus en Mariupol, doa jeft daut nich ellektrischet Fia un Hettinj, un de Zellfons un daut Internet schaufen uk nich. En väle Hiesa sent de Ruten von de Fenstren gaunz twei. Daut jeft emma weinja Ätwoa un Wota. Mea aus 2 500 Breeda un Sestren sent noch emma en Mariupol un kjennen doa nich wajch. En eenje Städa – soo aus Butscha, Tschernihiw, Hostomel, Irpin, Kiew un Sumy – worden Wäaj opjemoakt, soo daut de Menschen von doa kunnen veloten un dan no sechre Jäajenden jebrocht woaren. Daut kunnen aul väl Breeda un Sestren nutzen.

Een 36-joascha Eltesta un Pionia, waut en Hostomel läwd, deed toop met siene Fru un Elren flichten. Hee vetalt, waut passieed, aus de Kjrich bat dee Staut kjeem:

“Äwa ons Hus fluagen Helikopter. Aulawäajen oppe Gaussen kunn eena to aulentiet Kjrichs-Koaren seenen. Soldoten bruaken sikj en ons Hus nenn aus wie em Kjala wieren. Eena von dee deed mieremol en dän Kjala nenn scheeten. Dee troff de Tausch von miene Mutta oba wie bleewen veschoond. Fa ojjefäa dree ooda vea Stunden deed wie ons nich bewäajen un wieren muckstell, wiels om ons rom bloos sea jeschoten un jebomt wort. . . . Aus wie dän näakjsten Dach von doa veleeten, funk dicht bie ons een Kaumf aun. Oppe Gaussen wieren Kanoonen ooda Panzers . . . Daut wia sea jefäadlich, oba doa to bliewen wudd noch jefäadelja jewast sennen.

Aul daut, waut wie beläft haben, haft ons Läwen bloos sea veendat. Wie haben jelieet, woo wie väl biblische Gruntsauzen kjennen brucken. Toom Biespel, woo wie ons nich soo sea om morjen sorjen kjennen, met daut needichste tofräd to sennen un uk en de schwanste Loagen opp Jehova to vetruen.”

Wie sent ons secha, daut Jehova, ons Gott, krakjt weet, waut fa schwoaret onse Breeda un Sestren en de Ukraine nu jroz derch motten. Hee woat dee fa secha unjastetten (2. Petrus 2:9).

Bat dän 10. Moaz 2022 hab wie dise Zolen ut de Ukraine jekjräajen:

• 2 Vekjindja sent jestorwen

• 8 Vekjindja worden velazt

• 25 407 Vekjindja musten äare Hiesa veloten un sent no aundre Städen em Launt jeflicht, wua daut sechra es

• 25 Hiesa worden gaunz vestieet

• 59 Hiesa haben väl Schoden jekjräajen

• 222 Hiesa haben een bät Schoden jekjräajen

• 7 Vesaumlungshiesa haben Schoden jekjräajen

• 27 Nootfaulkommitees sent en de Ukraine aunjestalt

• 10 566 Vekjindja kjrieejen Help von de Nootfaulkommitees, om Städen to finjen, waut sechra sent

• 9 635 Vekjindja sent no aundre Lenda jeflicht un kjrieen doa Help von äare Gloowesbreeda