Mukanda wa Thomo wa Yone 1:1-10
1 Ngudi gumisonegela mukunda nu ndaga yatadila mbimbi ya monyo, inyi yakhalele sendese gu gisendeselo, inyi tuavile, tuamonele nu meso etu, inyi tuatalele, nu tuakuatele nu mago etu,
2 (ayi, monyo wamonesewe, tuamonele nu tudi mulongesa, nu tudi gumiwambela nji ndaga yatadila monyo wa mayilago wakhalele nu Tata nu wamonesewe gudi esue),
3 tudi gumiwambela ndaga tuamonele nu jinyi tuavile hagula mukhale hamoshi nu esue, gifua luholo esue tuana khala hamoshi nu Tata nu Mun’enji Yesu Klisto.
4 Tudi musonega ndaga eji hagula tukhale nu gusuanguluga guavula.
5 Tudi gumilongesa mbimbi yatulongesele muene egi: Nzambi udi muanya, gudi muene phipha yana khalago nga hazonda.
6 Gula tudi muzuela egi “tudi hamoshi n’enji,” uvi esue muwenda mu phipha,* tudi mumba mambo nu tushigo muwenda mu giamatshidia.
7 Uvi gula tudi muwenda mu muanya gifua luholo ludi muene mu muanya, mukut’etu agasue mbatukhala hamoshi. Mahatshi a Mun’enji Yesu mbaaphelegetesa gubola guetu guagasue.
8 Gula tudi muzuela egi: “Tushigo nu gubola,” tudi gudihuiga esue hakhetu, giamatshidia nji gishigo mukatshi dietu.
9 Gula tudi mudijiga Nzambi gubola guetu, muene mbawututotesela nu mbawutuphelegetesa gu ndaga jiagasue jiabola, handaga wana tagenesa ndaga jiana zuela muene nu wana kalagala ndaga mu luholo luabonga.
10 Gula tudi muzuela egi: “Tuakalegelego gubola,” tudi mubuisa Nzambi muenya mambo, mbimbi yenji ishigo nji mukatshi dietu.
Mbimbi goshi'a diyiji
^ Yakotelesa egi: gutshita ndaga jiabola.
