Mukanda wa Mbadi wa Yone 1:1-13
1 Ame mbuta muthu* ngudi musonegela mukhetu watombewe nu an’enji ngana zumba muavula. Ishigo phamba ame ngana guazumba uvi nu athu agasue ajiyile giamatshidia,
2 mukunda nu giamatshidia gidi mukatshi dietu, nu mbagikhala mukatshi dietu mayilago.
3 Nzambi Tata wa mu dilu nu Mun’enji Yesu Klisto mbaatuhana malongo a giamatshidia nu mbaatumonesela guzumba, mbaatuvila khenda jiavula, mbaatumonesela gisemo nu mbaatuhana guhuima.
4 Ngudi nu gusuanguluga guavula handaga ngavi egi an’aye ako adi muwenda mu gudivua nu giamatshidia gifua luholo Tata watuhanele mukhuala.
5 Henyaha ngudi gugutoga aye mukhetu watombewe egi tudizumbenu. (Ngushigo gugusonegela mukhuala uhe-uhe, uvi mukhuala unu tuahetele sendese gu gisendeselo.)
6 Guzumba guakotelesa egi tudi naye guwenda mu gudivua nu mikhuala ya Tata. Mukhuala muavile sendese gu gisendeselo wenyowu, mudi naye gudizumba.
7 Handaga enya mambo avula azogi gale ha mavu, ashigo mutshigina egi Yesu wajile gifua muthu. Muthu udi muzuela ngenyi udi muenya mambo nu udi mbalagaji wa Klisto.
8 Tshitenu ngolo hagula mutotesago ndaga tuakalegele ngolo ha guheta, ngenyi mbamuheta lufuto luagasue ludi gumibambela Nzambi.
9 Muthu wagasue gashigo muwenda mu gudivua nu malongo a Klisto nu udi mulongesa malongo abola, gana gudivua ndo nu Nzambi, uvi muthu udi muwenda mu gudivua nu malongo awa wana gudivua nu Tata nu Mona.
10 Gula muthu waza gumbo dienu, uvi muene nu guza ndo nu malongo awa, mumuyambi ndo gumbo dienu, nu wene moyo mumuhanyigo.
11 Handaga muthu wagasue wamuhana lumene, wadibungisa n’enji mu midimo yenji yabola.
12 Ngudi nu ndaga jiavula jia gumiwambela, uvi ngushigo mutshigina gujisonega gu mukanda. Ngudi mutshigina guza ha gumimona nu meso* hagula gusuanguluga guenu gukhale guavula diago.
13 Ana a phangi’aye wa mukhetu munu watombewe agutumila lumene.
