Lungimbo lua Salomo 1:1-17
-
Lungimbo luabalega gubonga (1)
-
Muvuala wa mukhetu (2-7)
-
Mavuala a akhetu a gu Yelusalema (8)
-
Fumu (9-11)
-
“Mbatugulondela tumalenge tua wolo” (11)
-
-
Muvuala wa mukhetu (12-14)
-
‘Yala ngana zumba udi gifua sagi ya mananashi a mire’ (13)
-
-
Mubambi wa imeme (15)
-
“Mukhetu ngana zumba, udi wabonga”
-
-
Muvuala wa mukhetu (16, 17)
-
“Mulumi’ami ngana zumba, udi wabonga” (16)
-
1 Lungimbo luabalega gubonga lua Salomo.
2 “Nguhane beze gu kano diaye,Handaga luholo luaye lua gumonesa guzumba, ludi luabonga gubalega vinyo.
3 Maji aye adi nu vumba diabonga.
Jina diaye didi gifua maji a vumba diabonga abundudiwa.
Gishina giene mavuala a akhetu ana guguzumba.
4 Iza unguzule;* tulenge phushi.
Handaga fumu wangunginyisa mu sugu jienji.
Tusuanguluge, tukhale nu gusuanguluga hamoshi.
Luholo luaye lua gumonesa guzumba lutusuanguluise* muavula gubalega vinyo.
Gishina giene mavuala a akhetu ana guguzumba.
5 Mavuala a akhetu a gu Yelusalema,Ngudi ngabuita, uvi ngabonga gifua tenta jia Kedale nu milele ya tenta ya Salomo.
6 Mungutadigo githedi handaga ngudi ngabuita,Muanya wangubuishile ngenyi.
Aphangi’ami a mala anguvuidile khabu;Angutumile ha guya mubamba mahia a vinyo.
Uvi dihia diami, ngadibambelego.
7 Ngana guguzumba* muavula,Nguwambele fundo wana guya mudisa shitu jiaye.
Gui wana guya gujibemba mu midi ha guhuluguga?
Mukunda natshi ngudi naye gukhala mukatshi dia shitu jia mafuta ayeGifua mukhetu waditshuiga mulele gu phala?”*
8 “Aye mukhetu wabalega gubonga, gula ushigo mujiya,Nda nu gulandula nganyo jia shitu,Disa mitumba yaye ya khombo hehi nu tenta jia abambi a imeme.”
9 “Aye mukhetu ngana zumba muavula, udi gifua gabalu gabonga gajitshigiwa gu phusu-phusu jia Farao.
10 Mabutu aye adi agusembega nu tuzeya,*Shingo yaye idi nu misanga.
11 Mbatugulondela tumalenge tua wolo,Nu misanga ya utadi wa siliva.”
12 “Hadi fumu hashi gu mesa enji,Mananashi ami adi muzola vumba diabonga.
13 Yala ngana zumba udi gifua sagi ya mananashi a mire,Mu phipha wana banda hakatshi na katshi dia mele ami.
14 Yala ngana zumba udi gifua gitungu gia iyaji ya mutshi wa ina,Mukatshi dia mahia a vinyo a gu Ene-Gedi.”
15 “Mukhetu ngana zumba, udi wabonga.
Wabonga! Meso aye adi gifua meso a yembe.”
16 “Mulumi’ami ngana zumba, udi wabonga, udi wabonga diago.
Mayiji, ene gitanda* gietu.
17 Makunji a inzo yetu* adi a mitshi ya sedre,Yangi dietu dialondewe nu mitshi ya jenevriye.
Mbimbi goshi'a diyiji
^ Mu Hebelu: “ngunane gudi aye.”
^ Nga “guta maga.”
^ Nga “monyo wami wana guguzumba.”
^ Nga “gifua mukhetu udi nu masaga waditshuiga mulele gu muto.”
^ Nga ndo, yajiya gukhala egi: “Sanga diaye didi dia gutebuga holu dia mabutu aye.”
^ Nga “giphona.”
^ Nga “inzo yakoma.”
