Lungimbo lua Salomo 8:1-14
-
Muvuala wa mukhetu (1-4)
-
“Nga udi gifua phangi’ami wa yala” (1)
-
-
Aphangi’a muvuala wa mukhetu a mala (5a)
-
‘Mon’a mukhetu mutshi udi wa gudikuata nu mon’a yala wana gumuzumba?’
-
-
Muvuala wa mukhetu (5b-7)
-
“Guzumba gudi nu ngolo gifua gufua” (6)
-
-
Aphangi’a muvuala wa mukhetu a mala (8, 9)
-
“Gula nga udi gibayi, . . . uvi gula udi mufulo, . . .” (9)
-
-
Muvuala wa mukhetu (10-12)
-
“Ngudi gifua gibayi” (10)
-
-
Mubambi wa imeme (13)
-
‘Ngudi mutshigina gutegelela dijui diaye’
-
-
Muvuala wa mukhetu (14)
-
“Zula phushi gifua gaseshi”
-
8 “Nga udi gifua phangi’ami wa yala,Wanuile mele a mama,Nga gushigo nu muthu wajiya gungusegululaGula ngatagana naye hanze, ngaguhana beze.
2 Nga ngagutuameza uu nu mu inzo ya mama,Nga ngagunginyisa muene,Mu inzo ya mama wangulongesele.
Nga ngaguhana matombe agufutula ha gunua,Nu matombe alondewa nu mabundu a grenade.
3 Nga koko dienji dia mahidi didi goshi’a muto wami,Uvi koko dienji dia madia didi gungubabata.
4 Enue ana a akhetu a gu Yelusalema, ngudi gumitoga ha gudiloga egi,Mukambigo guzugisa guzumba guami uu nu tangua guene hakhenji mbaguzuga.”
5 “Mon’a mukhetu mutshi udi mukatuga mu mavu a luselenga,Wa gudikuata nu mon’a yala wana gumuzumba?”
“Ngaguzugisa gu tulo ha mushin’a mutshi wa pome.
Fundo diavuile gin’aye misongo ya gugubuta,Fundo dia guvualele gin’aye.
6 Nguhage gifua kashe mu mutshima waye,Gifua kashe holu dia koko diaye,Handaga guzumba gudi nu ngolo gifua gufua,Gusala yagujinginyina phamba gudi muthu mumoshi, gudi nu ngolo jiavula gifua Malumba.*
Tshuya tuenji tudi mulema muavula, tshuya tua Yah.*
7 Nga ene meya avula, ajiyilego gujima tshuya tua guzumba,Mita yavula nji, yajiyilego nji gujima tshuya tuene.
Gula muthu wahana umonyi wenji wagasue ha gusumba guzumba,Athu mbaasegulula ima yagasue yahanyi muene.”
8 “Tudi nu galenge getu ga mukhetu,Uvi gashigo nu mele.
Na itshi mbatutshita mukunda nu galenge getu ga mukhetuLusugu mbaaza gumuhula ulo?”
9 “Gula nga udi gibayi,Nga mbatumutungila ga gibayi gazonda ga utadi wa siliva holu,Uvi gula udi mufulo,Nga mbatumukanga nu baya dia sedre.”
10 “Ngudi gifua gibayi,Mele ami adi gifua jinzo jialeha.
Na gu meso a yala ngana zumbaNgudi gifua muthu wahetshi guhuima.
11 Salomo udi nu gilanga gia mitshi ya vinyo gu Bale-Hamone.
Wahanele gilanga giene gudi athu hagula agibambe.
Muthu nu muthu mukatshi diawo, wakhalele naye gufuta utadi wa siliva 1 000 mukunda nu mabundu a gilanga giene.
12 Salomo, sala nu utadi waye wa siliva 1 000,Hana utadi wa siliva 200 gudi athu ana gugubambela gilanga giaye.
Uvi ame, ngudi nu gilanga giami gia vinyo hakhami.”
13 “Aye muthu watunga mu ilanga,Mafuta aye adi mutshigina gutegelela dijui diaye.
Ame nji ngudi mutshigina guditegelela.”
14 “Aye yala ngana zumba, iza muphushi,Zula phushi gifua gaseshiGifua mutumba wa gaseshiHolu dia milundu idi nu vumba diabonga.”
Mbimbi goshi'a diyiji
^ Nga “Sheole,” yakotelesa fundo diana fundjiwa athu agasue. Tala Ukoteleshi wa Mbimbi.
^ “Yah” idi jina dia Yehowa mu giketu.
