Mukanda wa Mako 16:1-8
-
Gufuzumuga gua Yesu (1-8)
16 Gungima dia Lusugu lua Guhuluguga, Madiya wa gu Magadala nu Madiya gina Yakoba, nu Salome asumbile ima ya vumba diawaha ha guya mumba kimbi gia Yesu.
2 Mu gimenegena gia mutshiatshia gia lusugu lua thomo lua phoso, ayile gu malumba* hakhalele muzoga kumbi.
3 Akhalele gudihula egi: “Nanyi mbawutukatudila getu seso didi ha mufulo wa malumba?”
4 Uvi tangua diathuphuile ene meso, amonele egi seso diene diakhalele diakatudiwa gale, ikhale diakhalele diakoma sha.
5 Tangua anginyine mu malumba, amonele muvuala mumoshi wa yala, wakhalele hashi gu koko dia madia, wakhalele wa gusudiga lopho* dilaphe, avuile woma wavula.
6 Muvuala muene waawambelele egi: “Muvuigo woma. Mudi mukamba Yesu wa gu Nazaleta washiyiwe ha mutshi. Muene wafuzumuga gale. Gashigo haha. Talenu fundo amuhagele.
7 Uvi ndenu muwambele alandudi enji nu Phetelo egi, ‘Muene wadiangela gale guya gutuama dienu gu Galilea. Guene mbamumumona, gifua luholo luamiwambelele muene.’”
8 Tangua azogele mu malumba, ayile muphushi nu gudigita. Gihuga-huga giaakuatele. Atelego nga muthu lumene, handaga akhalele muvua woma.*
Mbimbi goshi'a diyiji
^ Nga “malumba a guwunguluga.”
^ Nga “mutuphu.”
^ Ha gutadila bamaniskri a mualeha, mukanda wa mako udi musuga nu mbimbi jidi mu verse 8.