Mukanda wa Matayo 1:1-25
1 Mukanda wa lumene* lua Yesu Klisto,* mun’a Davidi, mun’a Abalahama:
2 Abalahama wakhalele sh’a Isaka;Isaka wakhalele sh’a Yakoba;Yakoba wakhalele sh’a Yuda nu aphangi’enji;
3 Yuda nu Tamale avalele Phelese nu Zela;Phelese wakhalele sh’a Heselona;Heselona wakhalele sh’a Rama;
4 Rama wakhalele sh’a Aminadaba;Aminadaba wakhalele sh’a Nashona;Nashona wakhalele sh’a Salamona;
5 Salamona nu Lahaba avalele Boaze;Boaze nu Luta avalele Obede;Obede wakhalele sh’a Yese;
6 Yese wakhalele sh’a fumu Davidi.
Davidi wakhalele sh’a Solomo, wamuvalele nu mukaji’a Uliya;
7 Solomo wakhalele sh’a Lehoboama;Lehoboama wakhalele sh’a Abiya;Abiya wakhalele sh’a Asa;
8 Asa wakhalele sh’a Yosafata;Yosafata wakhalele sh’a Yolama;Yolama wakhalele sh’a Oziase;
9 Oziase wakhalele sh’a Yotama;Yotama wakhalele sh’a Ahaza;Ahaza wakhalele sh’a Ezekiase;
10 Ezekiase wakhalele sh’a Manase;Manase wakhalele sh’a Amona;Amona wakhalele sh’a Yoziase;
11 Yoziase wakhalele sh’a Yekoniya nu aphangi’enji. Mu tangua diene, ayile nawo mu uhiga gu Babilona.
12 Tangua ayile mu uhiga gu Babilona, Yekoniya wavalele Shalatiele;Shalatiele wavalele Zolobabela;
13 Zolobabela wakhalele sh’a Abihuda;Abihuda wakhalele sh’a Eliyakime;Eliyakime wakhalele sh’a Azola;
14 Azola wakhalele sh’a Sadoka;Sadoka wakhalele sh’a Akimi;Akimi wakhalele sh’a Eliwuda;
15 Eliwuda wakhalele sh’a Eleazale;Eleazale wakhalele sh’a Matana;Matana wakhalele sh’a Yakoba;
16 Yakoba wakhalele sh’a Yozefe mulumi’a Madiya yonu wavalele Yesu, udi mutamegewa egi Klisto.
17 Ngenyi, guvula gua indongo yagasue sendese gudi Abalahama uu nu gudi Davidi yakhalele 14; sendese gudi Davidi uu nu tangua ayile mu uhiga gu Babilona, indongo yabalegele 14; sendese tangua ayile mu uhiga gu Babilona uu nu gudi Klisto, indongo yabalegele 14.
18 Yesu Klisto wavalewe luholo elu: Tangua gin’enji Madiya walayewe ulo gudi Yozefe, wamonegene gu vumo mu ukuateshi wa nyuma ya Nzambi* gutuama egi adizule mu ulo.
19 Uvi luholo mulumi’enji Yozefe wakhalele muthu wabonga, gatshiginyilego gukuatesa mukaji’enji musonyi ha meso a athu, hene wamutogele ha gushiya ulo mu gisuegi.
20 Uvi gungima dia gutangiza ndaga jiji, muanjelo wa Yehowa* wamuenegene gudi muene mu nzoji, wamuwambelele egi: “Yozefe mun’a Davidi, uvigo woma ha guzula mukaji’aye Madiya mu ulo,* handaga vumo didi nadio muene, wadimitshi* mu ukuateshi wa nyuma ya Nzambi.
21 Muene mbawuvala mona yala, aye mbawumuhana jina egi Yesu,* handaga muene mbawuhuluisa athu gu gubola guawo.”
22 Ndaga eji jiagasue jiabuile ha gutagenesa ndaga jiazuelele Yehowa mu njila ya profete wenji egi:
23 “Tala! Mona mukhetu wa gandongo mbawumita vumo, mbawuvala mona yala, mbaamutamega egi Emanuele,” yakotelesa egi: “Nzambi Udi nu Esue.”
24 Gungima Yozefe wazugile gu tulo, watshitshile gifua muamuwambelele muanjelo wa Yehowa, wazudile mukaji’enji mu ulo.
25 Uvi abungishilego muila uu nu tangua diavalele Madiya mona yala. Yozefe wamuhanele jina egi Yesu.
Mbimbi goshi'a diyiji
^ Nga “wa senga.”
^ Nga “Masiya; Muthu Wambiwe Maji mu Nyuma.”
^ Nga “wa ngolo jia Nzambi.”
^ Mu Mikanda ya Biblia Yasonegewe mu Zuelelo dia Greke, jina dia Nzambi, Yehowa, didi mafundo 237. Mu Biblia eyi, edi fundo dia thomo tuasanga jina diene.
^ Nga “uvigo woma ha guzula Madiya gumbo diaye.”
^ Nga “mona udi mu vumo dienji.”
^ Jina edi didi luholo lumoshi nu jina dia zuelelo dia Hebelu Yeshua nga ndo Yoshua, didi mukotelesa egi “Yehowa Udi Muhuluishi.”
