MAKALEGELO A UKLISTO
Tukudise Luholo Luetu lua Gulongesa Mbimbi ya Nzambi—Monesa Athu Wana Gulongesa Biblia Luholo lua Gudilondega Mukunda nu Gulonguga
MUKUNDA NATSHI IDI NU NDANDO: Gula athu tudi mulongesa Biblia adi mudilondega gutuama, ajiya gukotelesa mu phushi nu guwunguluga ndaga adi ene mulonguga. Gula adi mukotelesa ndaga jiene muavula nu gujiwunguluga, mbaakula diago mu nyuma. Ikhale gungima dia gubatijiwa, adi naye gudilondega mukunda nu mudimo wa gulongesa nu gudibungisa gua mu hungu. Ngenyi, mbalandula ‘gutema.’ (Mat 25:13) Hene, gula ajiya luholo lua gulonguga nu akudisa khadilo diabonga dia gulonguga, mbayakuatesa mu lujingu luawo luagasue. Tangua tuasendesa gulonguga Biblia nu muthu, tudi naye gumukuatesa ha gukudisa khadilo dia gudilondega mukunda nu gulonguga gua Bible.
LUHOLO WAJIYA GUYIKALEGELA:
-
Aye hakhaye khala gifezegeselo giabonga. (Lomo 2:21) Gutuama dia guya mulongesa muthu, dilondege muabonga. Luko, tangua udi gudilondega, tangiza athu mbawuya mulongesa. (km 11/15 diyiji 3) Mudijige mukanda waye luholo udi wa gulondega
-
Mukolese ha gudilondega. Tangua wasendesa gulongesa muthu Biblia, muwambele giphungu gimoshi egi gudilondega mukunda nu gulonguga gudi mukatshi dia programe yenu ya gulonguga nenji. Muwambele nji gubonga gajiya guheta gula udi mudilondega. Mudijige luholo gajiya guheta tangua dia gudilondega mukunda nu gulonguga. Alongeshi ako ana guhana mikanda yawo idi ya gulondega gale, gudi athu adi ene mulongesa Biblia mu tangua dia gulonguga, hagula a akuatese ha gumona gubonga ajiya guheta. Gula muthu udi mulonguga nenji Biblia wadilondega muabonga, mushimane diago
-
Mudijige luholo lua gudilondega mukunda nu gulonguga. Gu gisendeselo gia gulonguga, alongeshi ako ana gukalegela tangua diagasue dia gulonguga ha gudijiga muthu adi mulongesa Biblia luholo lua gulondega longo