“Temienu”
Ngatshima gifezegeselo gia Yesu gidi muzuelela tundongo kumi gidi mutadila alandudi enji ambiwe maji mu nyuma, malongo adi muzoga mu gifezegeselo giene adi mutadila Aklisto agasue. (w15-F 15/3 diyiji 12-16) ‘Temienu, handaga mushigo mujiya lusugu nga kumbi.’ (Mat 25:13) Wajiya gukotelesela athu ako gifezegeselo egi gia Yesu ba?
-
Yala udi muzula mukhetu mu ulo (verse 1)—Yesu
-
Tundongo tuagudilondega (verse 2)—Aklisto ambiwe maji mu nyuma anyi adi agudilondega ha gutagenesa mudimo wawo nu gujinginyina guagasue, nu anyi adi muhenya gifua themua uu nu gu gisugishilo (Fili 2:15)
-
Mulolo wadidile egi: “Tadienu, yala udi muzula mukhetu mu ulo mueny’owu!” (verse 6)—Ijiyishilo idi mumonesa guza gua Yesu
-
Tundongo tuaheya (verse 8)—Aklisto ambiwe maji mu nyuma anyi azogele ha gutagana nu yala udi muzula mukhetu mu ulo, uvi atemenego nu abambelego gujinginyina guawo
-
Tundongo tuatema tuatuna guhana tundongo tuaheya maji (verse 9)—Gungima dia guhagewa njimbu ya gisugishilo, Aklisto ambiwe maji mu nyuma anyi adi a gujinginyina gudi Nzambi mbaakuatesago nga muthu mumoshi watunyile gusala wa gujinginyina gudi Nzambi
-
“Yala udi muzula mukhetu mu ulo wajile” (verse 10)—Yesu mbawuza ha gusophesa athu hehi nu gisugishilo gia lamba diakola
-
Tundongo tuatema tuanginyine mu wano wa ulo nu yala udi muzula mukhetu mu ulo, gungima gijidigo giajidigiwe (verse 10)—Yesu mbawubungisa mu dilu alandudi enji a gujinginyina ambiwe maji mu nyuma, uvi anyi asalelego a gujinginyina mbaahetshigo luendu lua guya mu dilu