Athu avula anago gushila athu ana tuameza mutshima. Mukunda natshi? Handaga sendese mualeha, athu ana kalegela ufumu wawo mu luholo luabola ha gukamba phamba gubonga guawo. (Mika 7:3) Tudi nu gusuanguluga guavula luholo akulu ana hanewa formasio ha gukalegela inemo yawo muabonga mukunda nu gubonga gua akombeledi a Yehowa.​—Es 10:3; Mat 20:25, 26.

Akulu ashigo gifua mafumu a ha mavu awa. Ana kalagala mudimo wawo handaga ana zumba Yehowa nu akombeledi enji. (Yon 21:16; 1Pt 5:1-3) Mu njila ya utuameji wa Yesu, ana kuatesa alongeshi ha gudivua egi adi mu fami ya akombeledi a Yehowa nu ha gukhala nu ufuta wakola n’enji. Ana guhana imeme ya Yehowa gikhesa, ana guakuatesa muphushi gula akata mu gisagumuisa nga gula lamba dimoshi diaabuila. Gula udi nu funu ya ukuateshi, wajiya guta maga nu mukulu mumoshi wa mu hungu dienu​—Yak 5:14.

TALENU VIDEO DES BERGERS QUI PRENNENT SOIN DU TROUPEAU, GUNGIMA HANENU MVUTU GU MIHU YIYI:

• Gubonga gutshi phangi Mariana wahetele tangua akulu amukuatesele?

  Mvutu yaye

• Gubonga gutshi phangi Elias wahetele tangua akulu amukuatesele?

  Mvutu yaye

• Gungima dia gutala video yiyi, luholo lutshi udi gudivua mukunda nu mudimo wana kalagala akulu?

  Mvutu yaye