Rapore ya Organisation mondiale de la Santé (OMS), ya 23 Mai 2022 idi muzuela egi misongo ya corona virus yashiyi gale athu 6,27 milio. Uvi mu rapore yahanele OMS mu 5 Mai 2022, azuelele egi misongo yene yashiyi gale athu avula gubalega. Rapore yene yamonesele egi sendese mu 2020 uu nu mu 2021, “misongo ya corona virus yashiyile gale athu . . . hehi nu 14,9 milio.” Itshi Biblia yana zuela mukunda nu misongo ya luholo elu?

•    Yesu wazuelele egi mu “masugu a gisugishilo,” “misongo ya gisambugila” mbayikhala guene.​—2 Timote 3:1; Luka 21:11.

 Mbimbi jiazuelele Yesu jidi mutagenesewa mangino. Ha gujiya ndaga jiavula, tanga longo Quel est le signe des “derniers jours”, ou “temps de la fin”?

•    “Nzambi wa ukuateshi wagasue wana gutukuatesa mu malamba etu agasue.”​—2 Kolinto 1:3, 4.

 Biblia yakuatesele gale athu avula anyi afishile athu akhalele ene muzumba. Ha gujiya ndaga jiavula, tanga longo didi muzuela egi “Comment revivre: ce que vous pouvez faire” et “Une aide incomparable.”

•    “Ufumu waye uze. Gutshigina guaye gukalegewe ha mavu gifua mu dilu.”​—Matayo 6:10.

 Gualeha ndo “Ufumu wa Nzambi” mbawukatula misongo yagasue. “Gushigo nga muthu mumoshi mbawuzuela egi: ‘Ngudi mukata.’” (Mako 1:14, 15; Yeshaya 33:24, NWT) Ha gujiya ndaga jiatadila Ufumu wa Nzambi nu ndaga ufumu wene mbawukalagala, tala video Ufumu wa Nzambi udi Itshi?

 Tudi gugutoga ha gulonguga Biblia hagula aye nu enya fami yaye muhete gubonga gua malongo nu mafelela yana hana.