TEMIENU!
Gushiya Athu nu Mata gu Makhalasa—Itshi Biblia Yana Zuela?
Mu lusugu lua 24 Mai 2022, ndaga imoshi ya lamba yabuile mu dimbo dia Uvalde gu Texas (États-Unis). Zulunalu ya The New York Times, idi muzuela egi: “Muvuala mumoshi wa yala washiyile ana a khalasa 19 nu alongeshi awo mbadi . . . gu école primaire Robb.”
Ndaga ya gikenene idi egi, ndaga eyi ya lamba yana bua muavula. Zulunalu USA Today idi muzuela egi gu États-Unis, “athu 249 ashiyiwe nu mata gu makhalasa mu givo giabalega. Sendese mu 1970, athu khenji ashiyiwego ngenyi gifua givo giabalega.”
Mukunda natshi ndaga eji jia lamba jiana gubua? Luholo lutshi tuajiya gulua nu ndaga eji jia lamba? Tuajiya gusha mutshima egi ndaga jia luholo elu mbajimuhua ba? Biblia yana gutuhana mvutu jia mihu eyi.
Mukunda natshi khuta idi yavula ha mavu?
Biblia yana tamega masugu etu egi: “Masugu a gisugishilo.” Yamonesele egi mu masugu ene athu avula “mbaakhadigo muzumba athu ako,” nu “mbaakhala enya khuta,” mbaakhala nu umbundudi wavula. Yamonesele nji egi athu ene “mbaakalagala ndaga jiabola gubalega.” (2 Timote 3:1-5, 13) Ha gujiya ndaga jiavula, tanga longo didi muzuela egi: “La Bible a-t-elle prédit la mentalité et la conduite des gens de notre époque?”
Athu avula ana gudihula egi: ‘Mukunda natshi Nzambi wana bemba egi athu akalagale ndaga jia khuta gifua gushiya athu nu mata gu khalasa?’ Ha gujiya mvutu Biblia yana hana, tala longo didi muzuela egi: “Pourquoi les innocents souffrent-ils?”
Luholo lutshi tuajiya gulua nu malamba ene?
“Ima yagasue yasonegewe mu tangua dikulu, yasonegewe mukunda nu gutulongesa. Tudi nu felela handaga . . . mbimbi ya Nzambi yana gutuhana ngolo.”—Roma 15:4.
Malongo a Biblia ajiya gugukuatesa ha gukolesela ha mavu awa adi nu umbundudi. Ha gujiya ndaga jiavula, tala Réveillez-vous ! ya Aout 2012 idi muzuela egi: “La violence cessera-t-elle un jour?”
Ha gujiya luholo mvuaji jiajiya gukuatesa an’awo ha gudibamba mu ndaga adi mutanga mu Internet nga jinyi adi mutala gu TV, tala longo didi muzuela egi: “Enfants et actualités troublantes.”
Umbundudi mbawumuhua ba?
‘Muene mbawahuluisa mu malamba nu mu ndaga jia khuta.’—Ngimbo 72:14.
‘Phogo jiawo jia khusa mbajifudiwa matemo, milumbu yawo mbayifudiwa khuphu-khuphu. Ifutshi mbayizangulago luko phogo jia khusa ha gudiluisa, mbaashigo nji mulonguga gulua ita.’—Mika 4:3.
Nzambi mbawutshita ndaga jinyi athu ajiyilego gutshita. Ufumu wenji wa mu dilu mbawukatula mata agasue nu umbundudi wagasue. Ha gujiya ndaga jiavula jiatadila ndaga mbajikalagala Ufumu wa Nzambi, tanga longo didi muzuela egi: Sous le royaume de Dieu, “la paix abondera.”