TEMIENU!
Mimbando ya Ima Yakanduga—Itshi Biblia idi Muzuela?
Mu Juin 2022 presida wa banque mondiale wazuelele egi: “Lamba dia makuta dia divudisa luko muavula ha mavu a mudidi. Mimbando ya ima yakanduga muphushi uvi athu ashigo nu mbongo jiavula ha gusumba ima.”
Raport ya Fonds monétaire international idi mumonesa egi: “Mimbando ya essence, mazout nu petrole nu ya ima ya gudia yakanduga muphushi, ndaga yene imubata lamba diavula mu ifutshi inyi uphutu wana khala wavula.”
Biblia idi gutukuatesa ha gujiya mukunda natshi tudi mutagana nu lamba dia makuta nu luholo tuajiya gukolesela nu lamba diene. Idi gutuhana nji felela egi mu masugu adi muza lamba dia makuta mbadihua.
Gukanduga gua mimbando ya ima mu “masugu a gisugishilo”
Biblia yana tamega masugu tudi mujinga egi, “masugu a gisugishilo.”—2 Timote 3:1.
Yesu wazuelele egi mu masugu ene “ndaga jidi muhana woma,” mbajikalegewa. (Luka 21:11) Athu adi muvua woma luholo mimbando ya ima idi mukanduga muavula. Adi gudisagesa mukunda nu masugu adi muza, ashigo mujiya gula mbaaheta ima ha gukuatesa enya fami jiawo.
Mukanda wa Gumonesa wadiangele guzuela egi, mu masugu etu mimbando ya ima ya gudia mbayikanduga. Udi muzuela egi: “Ngavile gifua dijui. . . . Muzuela egi, ‘kilo gimoshi gia ble mukunda nu denye imoshi; ba kilo thathu a orje mukunda nu denye imoshi.’”—Gumonesa 6:6.
Ha gujiya ndaga jiavula jiatadila “masugu a gisugishilo” nu profesi idi mu mukanda wa Gumonesa, tala video idi muzuela egi, Le monde a changé depuis 1914. Tanga nji longo didi muzuela egi, “Les cavaliers de l’Apocalypse: qui sont-ils?”
Lamba dia makuta mbadishigo mukhala luko
‘Athu ami mbatunga jinzo mbakhala muene, ene mbakuna mitshi ya vinyo, mbaadia mabundu enji. Mbaatungigo mukunda nu athu ako, mbakunyigo nji mukunda nu athu ako.’—Yeshaya 65:21, 22.
‘Mbuto mbajikhala jiavula ha mavu, mbajitutumuga holu dia milundu.’—Ngimbo 72:16.
‘Yehowa udi muzuela egi, “luholo athu adi mumonesewa lamba, phutu jidi mudila, ame mbanguzuga ha guakuatesa.”’—Ngimbo 12:5. a
Gualeha ndo Nzambi mbawumanesela lamba dia makuta ha mavu a mudidi. Ha gujiya ndaga jiene, tala longo didi muzuela egi “Peut-on espérer un système économique plus juste?”
Uvi mangino, Biblia yajiya gugukuatesa ha gukolesela luholo mimbando ya ima idi mukanduga. Luholo lutshi? Idi muhana malongo abonga ajiya gugukuatesa ha gujiya luholo lua gukalegela mbongo nu gutema. (Ishima 23:4, 5; Mulongeshi 7:12) Ha gujiya ndaga jiavula, tala longo didi muzuela egi, “Protégez vos moyens de subsistence” nu “Comment vivre avec moins.”
a Yehowa idi jina dia Nzambi.—Ngimbo 83:18.