Programe ya Lutango lua Biblia
Biblia idi nu malongo awaha ana gutukuatesa mu monyo wetu. Gula udi guyitanga lusugu nu lusugu, udi mutangigiza ndaga udi mutanga nu gujitumagela, ‘mbawubinga’ mu ndaga jiaye jiagasue. (Yoshua 1:8; Ngimbo 1:1-3) Mbayigukuatesa nji ha gujiya Nzambi nu Mun’enji Yesu nu ha guhuluishiwa.—Yone 17:3.
Luholo lutshi udi naye gutanga Biblia? Gudi nu maluholo avula wajiya gukalegela. Programe eyi ya lutango lua Biblia, mbayigukuatesa ha gutanga mikanda ya Biblia umoshi-umoshi, sendese nu Gisendeselo uu nu gu Yatuwuwe. Nga ndo, wajiya gutanga muto wa lumene umoshi-umoshi. Tufezegese gale. Wajiya gutanga itshinyi idi mumonesa luholo Nzambi akadigile enya Isalele ndaga. Wajiya nji gutanga itshinyi iko idi mumonesa luholo hungu dia Uklisto dia mu siekle ya thomo diasendesele, nu luholo diakhalele mukula. Gula udi mutanga ndambo ya mikhapho lusugu nu lusugu, mbawumanesela gutanga Biblia yagasue mu givo gimoshi.
Watshigina gusendesa gulandula programe ya lutango lua Biblia ba? Udi mukamba programe yajiya gugukuatesa ha gutanga Biblia masugu agasue nga ha guyitanga yagasue mu givo gimoshi ba? Gula idi ngenyi, programe eyi mbayigukuatesa muavula. Wajiya gu imprimer programe ya lutango lua Biblia. Wajiya nji guyi télécharger. Sadige mangino, sendesa guyikalegela.