KAMPANYI GA GUWUNGULUGA GUFUA GUA YESU
Yesu Mbawumanesela Ita
Hakhalele Yesu ha mavu wamonesele egi wakhalele muzumba athu muavula, hene wahanele monyo wenji gifua mulambu mukunda nu athu. (Matayo 20:28; Yone 15:13) Gualeha ndo, Yesu fumu wa ufumu wa Nzambi mbawumonesa luko guzumba guenji mukunda nu athu, tangua ‘mbadimanesela muene ita ha mavu agasue.’—Ngimbo 46:9.
Biblia idi mumonesa luholo Yesu mbawukalagala ndaga yene, idi muzuela egi:
‘Muene mbawuhuluisa phutu jidi gumudidila ha gutoga ukuateshi nu athu aleba ashigo nu muthu wa guakuatesa. Muene mbawuvuila athu aleba nu phutu khenda, mbawuhuluisa mionyo ya puthu. Mbawaakatula mu malamba nu mbawaahuluisa ha mago a mbundudi.’—Ngimbo 72:12-14.
Luholo lutshi tuajiya guhana mersi mukunda nu ndaga jiagasue jiakalegele Yesu nu jinyi mbajikalagala muene mukunda nu esue? Mu mukanda wa Luka 22:19, Yesu wawambelele alandudi enji ha guwunguluga gufua guenji. Gishina giene, givo nu givo mu lusugu luafile Yesu, Matemue a Yehowa ana gudibungisa ha guwunguluga gufua guenji. Tudi gugutamega ha guza gudibungisa nu esue mu lusugu lua Lubingo 24 Mars 2024 ha guwunguluga gufua gua Yesu.