KAMPANYI GA GUWUNGULUGA GUFUA GUA YESU
Yesu Mbawumanesela Uphutu
Hakhalele Yesu ha mavu, wamonesele guzumba guavula gudi athu, muavula gubalega gudi phutu nu gudi athu anyi akhalele mumona malamba. (Matayo 9:36) Wahanele monyo wenji mukunda nu gubonga gua athu ako. (Matayo 20:28; Yone 15:13) Gualeha ndo, Yesu Fumu ya Ufumu wa Nzambi mbawumonesa luko guzumba guene gudi athu tangua mbadimanesela muene uphutu ha mavu agasue.
Biblia idi mumonesa ndaga mbajitshita Yesu, idi muzuela egi:
‘Fumu abatule muabonga milonga ya athu aleba mukatshi dia athu, muene ahuluise ana a phutu.’—Ngimbo 72:4.
Luholo lutshi tuajiya guhana mersi mukunda nu ndaga jiagasue jiakalegele Yesu nu jinyi mbajikalagala muene mukunda nu esue? Mu mukanda wa Luka 22:19, Yesu wawambelele alandudi enji ha guwunguluga gufua guenji. Gishina giene, givo nu givo mu lusugu luafile Yesu, Matemue a Yehowa ana gudibungisa ha guwunguluga gufua guenji. Tudi gugutamega ha guza gudibungisa nu esue mu lusugu lua Lubingo 24 Mars 2024 ha guwunguluga gufua gua Yesu.