Kuatesa athu adi gugutegelela ha guditadila kiawaha. Hula mihu idi mutuma muthu wagasue udi gugutegelela ha gutadila matangi enji muabonga.

Akuatese ha gukhala nu matangi abonga. Kuatesa athu ha gidihula mukunda natshi ana gutshita ndaga jiabonga. Akuatese nji ha gukudisa khadilo dia gukalagala ndaga jiawaha, gifua guzumba Yehowa, guzumba athu n’ako, nu guzumba malongo a Biblia. Akuatese ha gutangigiza; ukhadigo guabalela. Guahana musonyi ndo uvi tshita yagasue ha gula gu gisugishilo gia devuare nga diskur diaye, ahete gikhesa gia gulandula gutshita ndaga jiabonga.

Akuatese ha gudifelela gudi Yehowa. Zuelela luholo malongo nu mikhuala ya Biblia, yana gumonesa makalegelo a Nzambi nu guzumba guenji mukunda nu esue. Hana athu nzala ya gutangiza luholo Yehowa wana gudivua, nu nzala ya gukalagala ndaga jidi gumusuanguluisa.