LONGO DIA 01
Luholo Lutshi Biblia Yajiya Gugukuatesa?
Athu avula ana gudihula mihu yatadila monyo, malamba, gufua nu masugu adi muza. Tuana tagana nji nu lamba dia makuta nga dia gukamba luholo fami yetu yajiya gukhala nu gusuanguluga. Athu avula ana kotelesa egi Biblia yana guakuatesa ha guheta mvutu (kueteya) gu mihu yakoma yatadila monyo. Yana guahana nji malongo ana guakuatesa lusugu nu lusugu. Udi mutangiza egi Biblia yajiya gukuatesa muthu wagasue ba?
1. Biblia yana hana mvutu gu mihu itshi?
Biblia yana hana mvutu gu mihu eyi ya ndando: Luholo lutshi monyo wasendesele? Mukunda natshi tudi nu monyo? Mukunda natshi athu ana tagana nu malamba? Gula muthu wafua wana guya gui? Gula athu agasue ana tshigina guhuima, mukunda natshi ita idi giwa yavula ha mavu awa? Mavu mbaabua gikuatshi mu masugu adi muza? Biblia idi gututoga ha gukamba mvutu jia mihu ya luholo elu. Athu avula ana suanguluga diago nu mvutu jiana hana Biblia gu mihu yene.
2. Luholo lutshi Biblia yajiya gutukuatesa ha gukhala nu gusuanguluga mu monyo wetu?
Biblia yana gutuhana malongo awaha diago. Ha gufezegesa, yana kuatesa athu ha gukhala diago nu gusuanguluga mu fami jiawo. Yana gutumonesa ndaga tuajiya gukalagala tangua tudi nu gikenene, nu luholo tuajiya gusuanguluga nu mudimo wetu. Uza mulonguga ndaga Biblia yana longesa mukunda nu ndaga eji; uza mumona nji ndaga jiko jiavula tangua tudi mulonguga mukanda owu. Ndaga eji jiajiya gugutuma ha gutshigina egi: “Ndaga jiagasue jidi mu [Biblia] jidi . . . nu ndando.”—2 Timote 3:16.
Mukand’owu ushigo Biblia. Uvi udi gugukuatesa ha gulonguga Biblia hakhaye. Hene tudi gugutoga ha gutanga verse jiagasue jiasonegewa mu malongo a mukanda wuwu nu ha gutala gila jidi gudivua nu ndaga udi mulonguga.
TUKAMBE GUJIYA NDAGA JIAVULA
Tala luholo Biblia yakuatesele athu ako nu luholo wajiya gusuanguluga tangua udi guyitanga nu gishina udi naye gukamba ukuateshi ha guyikotelesa muabonga.
3. Biblia yajiya gututuameza
Biblia idi gifua muenda udi mulema tshuya tuavula. Biblia yajiya gutukuatesa ha guzula badesizio abonga nu ha gujiya ndaga mbajibua mu masugu adi muza.
Tanga Ngimbo 119:105, gungima zuelelenu mihu eyi:
-
Muthu wasonegele lungimbo elu wakhalele mutadila Biblia luholo lutshi?
-
Aye luholo lutshi wana tadila Biblia?
4. Biblia yajiya guhana mvutu gu mihu yetu
Mukhetu mumoshi wamonele egi Biblia yamukuatesele ha guheta mvutu gu mihu yakhalele gumusagesa ivo yavula. Tala VIDEO, gungima zuelelenu mihu yalandula.
-
Mukhetu tuamonyi mu video eyi wakhadile gudihula mihu ya luholo lutshi?
-
Luholo lutshi gulonguga Biblia guamukuatesele?
Biblia idi gutuwambela ha gukhala nu khadilo dia guhula mihu. Tanga Matayo 7:7, gungima zuelelenu muhu owu walandula:
-
Mihu itshi wana gudihula? Udi mutangiza egi Biblia yajiya gugukuatesa ha guheta mvutu ba?
5. Wajiya gusuanguluga ha gutanga Biblia
Athu avula ana suanguluga ha gutanga Biblia, yana guakuatesa nji muavula. Tala VIDEO, gungima zuelelenu mihu eyi yalandula.
-
Video eyi yamonesa egi luholo lutshi mavuala ana gudivua tangua ana tanga mikanda?
-
Uvi mukunda natshi ana tshigina gutanga Biblia?
Malongo a Biblia ajiya gutukuatesa nu gutuhana felela diabonga. Tanga Roma 15:4, gungima zuelelenu muhu owu:
-
Felela nu gikhesa gidi muhana Biblia giana gugusuanguluisa nji ba?
6. Athu ako ajiya gutukuatesa ha gukotelesa Biblia
Athu avula ana tanga Biblia hakhawo, uvi ana mona egi guta maga a Biblia nu athu ako guana kuatesa muavula. Tanga Makalegelo 8:26-31, gungima zuelelenu muhu owu:
-
Luholo lutshi tuajiya gukotelesa Biblia?—Tala verse 30 nu 31.
ATHU AKO ANA ZUELA EGI: “Gulonguga Biblia gushigo nu ndando.”
-
Idi ngenyi ba? Mukunda natshi?
NDAGA WALONGUGA
Biblia yana gutuhana malongo a ndando, yana hana mvutu gu mihu ya ndando, yana hana nji athu gikhesa nu felela.
Mihu ya guvutugila
-
Malongo a luholo lutshi tuajiya guheta mu Biblia?
-
Biblia yana hana mvutu gu mihu itshi?
-
Ndaga jitshi wana tshigina gulonguga mu Biblia?
NDAGA JIKO JIA NDANDO
Biblia idi nu malongo a ndando ajiya gutukuatesa mangino.
“Une sagesse à l’épreuve du temps” (Inzo Yaleha ya Mutaledi No. 1 2018 ya français)
Tala luholo Biblia yakuatesele yala mumoshi wakhalele gudisagesa mu matangi sendese ulenge wenji.
Luholo Ngasendesele Lujingu Luhe-luhe lua Gusuanguluga (2:53)
Tala malongo a Biblia atadila lujingu lua mu fami.
Athu avula ana jiyago nanyi wana tuameza diago mavu. Tala luholo Biblia yana guakuatesa ha gusombegesa matangi awo.