LONGO DIA 19
Matemue a Yehowa adi Aklisto a Giamatshidia Ba?
Esue Matemue a Yehowa, tuana tshigina diago egi tudi Aklisto a giamatshidia. Mukunda natshi? Tutadile fundo tuana zula malongo etu, ndaga yatadila jina dietu, nu guzumba tuana khala nago mukatshi dietu.
1. Malongo a Matemue a Yehowa ana katuga gui?
Yesu wazuelele egi: “Mbimbi ya [Nzambi] idi giamatshidia.” (Yone 17:17) Luholo lumoshi nu Yesu, malongo a Matemue a Yehowa ana katuga mu Mbimbi ya Nzambi. Tutadilenu mene jia mu masugu etu. Hehi nu givo 1870, gahunji ga aphangi asendesele gulonguga Biblia muabonga hamoshi, ha gumona giamatshidia Biblia yana longesa. Akhalele muzula malongo awo mu Biblia, ikhale malongo ene akhalele a gudisha nu malongo a mu ikombelelo iko. Gungima, asendesele gulongesa athu ako giamatshidia giene gidi mu Biblia. a
2. Mukunda natshi tuana guditamega egi Matemue a Yehowa?
Yehowa wana tamega akombeledi enji egi matemue enji handaga ana longesa giamatshidia giamutadila muene. (Hebelu 11:4–12:1) Ha gufezegesa, mu tangua dikulu, Nzambi wawambelele akombeledi enji egi: ‘Mudi matemue ami.’ (Tanga Yeshaya 43:10.) Yesu wana tamegewa egi: “Temue wa Gujinginyina.” (Gumonesa 1:5) Hene, mu givo 1931 tuazudile jina dia Matemue a Yehowa. Tuana suanguluga diago nu jina diene.
3. Luholo lutshi Matemue a Yehowa ana landula gifezegeselo gia guzumba gua Yesu?
Yesu wazumbile alandudi enji muavula gifua enya fami yenji diago. (Tanga Mako 3:35.) Luholo lumoshi nji, Matemue a Yehowa ana khala hamoshi ha mavu agasue, gifua enya fami imoshi. Gishina giene tuana guditamega egi aphangi. (Filemona 1, 2) Esue nji tuana tumagela mukhuala owu: “Zumbenu aphangi agasue.” (1 Phetelo 2:17) Matemue a Yehowa ana monesa guzumba guene mu maluholo avula, gifua tangua ana kuatesa aphangi a mala nu a akhetu a ha mavu agasue mu tangua ana khala nu funu ya ukuateshi.
TUKAMBE GUJIYA NDAGA JIAVULA
Longuga ndaga jiavula jiatadila lumene lua Matemue a Yehowa, nu ndaga jidi mutshiginyisa egi tudi Aklisto a giamatshidia.
Aklisto a giamatshidia ana zula malongo awo mu Biblia nu ana gualongesa gudi athu ako
4. Malongo etu ana katuga mu Biblia
Yehowa wadiangele guzuela egi mbatukotelesa muabonga giamatshidia gidi mu Biblia. Tanga Danyele 12:4, gungima zuelelenu muhu owu walandula:
-
Itshi idi naye “gudivudisa” mukatshi dia akombeledi a Nzambi tangua adi mulandula gulonguga Biblia?
Tala luholo hunji dia alongogi a Biblia, nu phangi Charles Russell, alongugile Mbimbi ya Nzambi. Tala VIDEO, gungima zuelelenu muhu owu walandula.
-
Mu video tuatala, luholo lutshi phangi Charles Russell nu alongogi ako a Biblia alongugile Biblia?
Wana guyijiya ba?
Matangua ako, tuana sombegesa malongo etu ako. Mukunda natshi? Gifua luholo muanya wana zoga mage-mage, Nzambi wana gutukuatesa ha gukotelesa Mbimbi yenji mage-mage. (Tanga Ishima 4:18.) Ngatshima Biblia yana sombegesa ndo, esue tuana sombegesa malongo etu gula tuakotelesa muabonga ndaga jidi mu Biblia.
5. Tuana tshita ndaga mu gudivua nu jina dietu
Mukunda natshi tuazudile jina dia Matemue a Yehowa? Tala VIDEO, gungima zuelelenu muhu owu walandula.
-
Mukunda natshi jina dia Matemue a Yehowa didi diago diabonga?
Mukunda natshi Yehowa watombele athu ha gukhala matemue enji? Handaga ana jiya egi muene udi Nzambi wa giamatshidia, ikhale athu avula ana zuela ndaga jia mambo mukunda nu muene. Tutadile malongo mbadi a mambo.
Ikombelelo yavula yana longesa athu awo egi Nzambi wana tshigina egi akalegele isongo ha gumukombelela. Uvi, tanga Levi 26:1, gungima zuelelenu mihu eyi yalandula:
-
Giamatshidia gitshi Biblia idi mulongesa? Luholo lutshi Yehowa wana gudivua mukunda nu isongo?
Mafumu ako a ikombelelo ana longesa egi Yesu udi Nzambi. Uvi, tanga Yone 20:17, gungima zuelelenu mihu eyi yalandula:
-
Giamatshidia gitshi Biblia idi mulongesa? Nzambi nu Yesu adi muthu mumoshi ba?
-
Udi gudivua gikuatshi tangua wajiya egi Yehowa watumile Matemue enji ha gulongesa giamatshidia giamutadila muene nu mun’enji?
6. Tuana gudizumba
Biblia yana fuanesa Aklisto nu itshinyi ya gudisha ya muila wa muthu. Tanga 1 Kolinto 12:25, 26, gungima zuelelenu mihu eyi yalandula:
-
Itshi Aklisto a giamatshidia adi naye gutshita gula Aklisto ako adi mumona lamba?
-
Ndaga jitshi wamonele gale jiatadila guzumba gunu Matemue a Yehowa ana gudimonesela?
Tangua Matemue a Yehowa a gu khanda imoshi ngenyi ana tagana nu lamba, Matemue a ha mavu agasue ana tshita yagasue ha guakuatesa mbala imoshi. Ha gumona gifezegeselo, tala VIDEO. Gungima zuelelenu muhu owu walandula.
-
Luholo lutshi ukuateshi wana hana Matemue a Yehowa gudi athu ana tagana nu malamba wana monesa guzumba?
Aklisto a giamatshidia ana monesa guzumba gudi athu adi nu funu ya ukuateshi
ATHU AKO ANA ZUELA EGI: “Matemue a Yehowa adi enya gikombelelo gihe-gihe.”
-
Sendese tangua ditshi Yehowa watamegele akombeledi enji egi matemue?
NDAGA WALONGUGA
Matemue a Yehowa adi Aklisto a giamatshidia. Tuana khala fami imoshi ya akombeledi ha mavu agasue, malongo etu ana katuga mu Biblia nu tuana longesa giamatshidia giatadila Yehowa.
Mihu ya Guvutugila
-
Mukunda natshi tuazudile jina dia Matemue a Yehowa?
-
Luholo lutshi tuana gudikalegela ndaga?
-
Udi mutshigina egi Matemue a Yehowa adi diago Aklisto a giamatshidia ba?
NDAGA JIKO JIA NDANDO
Longuga ndaga jiko jiatadila Matemue a Yehowa.
Les Témoins de Jéhovah. La foi en action, 1re partie: La sortie des ténèbres (1:00:53)
Tala gifezegeselo gidi mumonesa luholo Matemue a Yehowa ana monesa haphelo malongo a mambo.
Heta mvutu gu mihu wana gudihula yatadila Matemue a Yehowa.
“Questions fréquentes sur les Témoins de Jéhovah” (Longo edi didi mu jw.org)
Stephen gakhalelego muzumba athu a ilema iko, wakhalele nji gualuisa. Tala ndaga yamonele muene gudi Matemue a Yehowa yamukuatesele ha gusombegesa.
“Ma vie allait de plus en plus mal” (Inzo Yaleha ya Mutaledi ya 1 Juillet 2015 ya français)
a Sendese mu 1879, akombeledi a Yehowa asendesele guzola Inzo Yaleha ya Mutaledi, yana kotelesa giamatshidia gia Biblia.
