Muthu wagasue wana tshigina gukhala nu futa munu wana zuela giamatshidia. Yehowa wana tshigina nji egi mafut’enji akhale muzuela giamatshidia. Uvi ishigo ndaga yaleba, handaga ha mavu awa athu avula ana mba mambo. Gubonga gutshi muthu wajiya guheta gula udi muzuela giamatshidia mu ndaga jiagasue?

1. Ndaga yabalega ndando yana gututuma ha guzuela giamatshidia idi itshi?

Gula tudi muwambela athu ako ndaga jia giamatshidia, tudi mumonesa egi tuana zumba Yehowa nu tuana gumunemesa. Tujimbilago egi: Yehowa wana jiya ndaga jiagasue tuana tangiza nu jinyi tuana tshita. (Hebelu 4:13) Tangua tuana zuela giamatshidia, muene wana mona, wana suanguluga nji. Mbimbi yenji idi muzuela egi: ‘Yehowa gana tshigina ndo nga hazonda athu abola, uvi wana khala nu ufuta wakola gudi athu abonga.’​—Ishima 3:32.

2. Mu ndaga jitshi tuajiya guzuela giamatshidia lusugu nu lusugu?

Yehowa wana tshigina egi ‘tuzuele giamatshidia mukatshi dietu.’ (Zakaliya 8:16, 17) Yakotelesa itshi? Ikhale tudi muzuela nu enya fami yetu, mafut’etu a mudimo, nga aphangi’etu Aklisto, nga mafumu a leta, tushigo naye gumba mambo nga gusuega ndaga jinyi adi naye gujiya. Muthu wana zuela giamatshidia gana kuya ndo athu ako, nga guahuiga. (Tanga Ishima 24:28 nu Efeso 4:28.) Muthu muene wana futa nji itadi yagasue ana gumutoga. (Roma 13:5-7) Tudi naye “gudituameza mu luholo luabonga mu ndaga jiagasue.”​—Hebelu 13:18.

3. Gubonga gutshi muthu wajiya guheta gula udi muzuela giamatshidia?

Gula athu ajiya egi tuana zuela giamatshidia, ana gutushila mutshima. Tuana kuatesa muthu yagasue mu hungu nu mu fami yetu ha gudivua mu ubambi. Tuana khala nu mutshima wa phelegeta. Gula tudi muzuela giamatshidia, tuajiya gutshita egi “malongo a Nzambi, Muhuluishi wetu atumbuishiwe,” nu akuatese athu anago gukombelela Yehowa ha gumujiya.​—Tito 2:10.

 TUKAMBE GUJIYA NDAGA JIAVULA

5. Tshita ndaga nu giamatshidia giagasue

 6. Guzuela giamatshidia guana gutubatela gubonga

Tuajiya gutangiza egi guzuela giamatshidia guajiya gutubatela malamba. Uvi gungima, mbawukotelesa egi guzuela giamatshidia gudi ndaga yabonga. Tanga Ngimbo 34:12-16, gungima zuelelenu muhu owu:

• Luholo lutshi guzuela giamatshidia guajiya gugukuatesa ha gukhala nu lujingu luabonga?

1. Gula yala nu mukhetu adi muzuela giamatshidia, ana kolesa ulo wawo

2. Gula enya mudimo adi muzuela giamatshidia, mafumu awo ana guahagela mutshima

3. Gula athu adi muzuela giamatshidia mu dimbo, ana khala nu lukuma luabonga gudi mafumu a leta

 NDAGA WALONGUGA

Yehowa wana tshigina egi mafut’enji akhale athu a giamatshidia mu ndaga ana zuela nu jinyi ana kalagala.

Mihu ya Guvutugila

• Mu ndaga jitshi tudi naye guzuela giamatshidia?

• Mukunda natshi gumba mambo gushigo ndaga yabonga?

• Mukunda natshi udi naye guzuela giamatshidia matangua agasue?