LONGO DIA 37
Itshi Biblia Yana Zuela Mukunda nu Mudimo nu Makuta?
Wadisagesele gale mu ndaga yatadila mudimo nga makuta ba? Yajiya gukhala lamba ha gutagenesa nzala jietu nu gukombelela Yehowa mu luholo luana tshigina muene. Biblia idi gutuhana malongo anyi ajiya gutukuatesa.
1. Itshi Biblia yana zuela mukunda nu mudimo?
Nzambi wana tshigina egi tusuanguluge nu mudimo wetu. Biblia yana zuela egi: ‘gushigo nu gima giabalega gubonga muthu wajiya guheta gubalega . . . gusuanguluga nu mudimo wenji wakola.’ (Mulongeshi 2:24) Yehowa wana tshita mudimo wakola. Tangua tuana tshita mudimo wakola gifua muene, tuana gumusuanguluisa, esue nji tuana suanguluga.
Mudimo wana khala nu ndando. Uvi tuajiyilego gubemba egi mudimo wene ukhale nu ndando yavula gubalega gukombelela Yehowa. (Yone 6:27) Yehowa wazuelele egi gula tuamuhaga ha fundo dia thomo, mbawutuhana ima yagasue tudi nayo funu.
2. Luholo lutshi tudi naye gutadila makuta?
Biblia yana monesa egi ‘makuta ana gutubamba,’ uvi idi nji gututemesa egi makuta ene hakhenji ajiyilego gutubatela gusuanguluga. (Mulongeshi 7:12) Hene, Biblia yana gutumonesa egi tushigo naye guzumba makuta, uvi yana monesa egi: “Suangulugenu nu ima mudi nayo.” (Tanga Hebelu 13:5.) Gula tuasuanguluga nu ima tudi nayo, mbatushigo mukhala nu gikenene gia ima inyi tushigo nayo. Mbatushigo mukhala nu mikudi. (Ishima 22:7) Mbatushigo nji mubua mu muheto wa gutshita saga jia falanga nu ndaga jiana tshita athu ha guheta falanga muphushi.
3. Luholo lutshi tuajiya gukhaphela athu ako makuta etu?
Yehowa wakhala Nzambi wahana; tuana landula gifezegeselo gienji tangua tuana khala nu “khadilo dia guhana nu [tuana khala] hehi ha gukhaphela athu ima.” (1 Timote 6:18) Tuajiya gukalegela makuta etu mu luholo luabonga gula tudi mumba musomo mu hungu nu tudi mukuatesa athu adi nu funu ya ukuateshi, muavula gudi aphangi etu Aklisto. Yehowa gana talago guvula gua makuta tuana hana, uvi wana tala ndaga yana gututuma ha guhana makuta ene. Gula tuahana nu mutshima wagasue, tuana khala nu gusuanguluga, tuana suanguluisa nji Yehowa.—Tanga Makalegelo 20:35.
TUKAMBE GUJIYA NDAGA JIAVULA
Tala gubonga wajiya guheta gula wahaga mudimo ha fundo dienji nu udi musuanguluga nu ima udi nayo.
4. Luholo luetu lua gutshita mudimo ludi naye gutumbuisa Yehowa
Ufuta wetu nu Yehowa udi naye gututuma ha gutshita mudimo mu luholo luabonga. Tala VIDEO, gungima zuelelenu mihu eyi yalandula.
-
Mu video tuatala, ndaga itshi ya gushimana wamona mu makalegelo a Jason ha fundo dia mudimo?
-
Itshi yatshitshile muene ha guhaga mudimo ha fundo dienji?
Tanga Kolosai 3:23, 24, gungima zuelelenu muhu owu:
-
Mukunda natshi makalegelo etu ha fundo dia mudimo adi nu ndando?
Mudimo udi nu ndando. Uvi tuajiyilego gubemba egi ukhale nu ndando yavula gubalega gukombelela Yehowa
5. Gusuanguluga nu ima tudi nayo guana gutubatela gubonga
Athu avula ana kamba gukhala nu makuta avula. Uvi Biblia yana gutuwambela ndo ngenyi. Tanga 1 Timote 6:6-8, gungima zuelelenu muhu owu:
-
Biblia yana gututoga ha gutshita itshi?
Ikhale tushigo nu ima yavula, uvi tuajiya gusuanguluga. Tala VIDEO, gungima zuelelenu muhu owu walandula.
-
Ngatshima enya fami eji akhalelego nu makuta, itshi yaakuatesele ha gukhala nu gusuanguluga?
Itshi tuajiya guzuela gula tudi nu ima yavula uvi esue mulandula gukamba iko? Yesu wahanele gifezegeselo gimoshi gidi mumonesa egi gutshita ngenyi gudi diago gingonza. Tanga Luka 12:15-21, gungima zuelelenu muhu owu:
-
Longo ditshi wazula mu gifezegeselo gia Yesu?—Tala verse 15.
Tanga Ishima 10:22 ifuanese nu 1 Timote 6:10. Gungima zuelelenu mihu eyi:
-
Udi mutangiza egi ndaga yabalega ndando idi itshi? Gukhala futa dia Yehowa nga gukhala nu makuta avula? Mukunda natshi?
-
Milonga itshi yajiya gugubuila gula udi mukamba gukhala nu makuta avula?
6. Yehowa mbawutagenesa nzala jietu
Malamba a mudimo nu a makuta ajiya gulola gutshigina guetu gudi Yehowa. Tala VIDEO ha gumona ndaga tuajiya gutshita gula tuatagana nu malamba ene, gungima zuelelenu muhu owu walandula.
-
Mu video tuatala, malamba atshi phangi watagenele nawo?
-
Itshi gatshitshile ha gubinga malamba ene?
Tanga Matayo 6:25-34, gungima zuelelenu muhu owu:
-
Itshi Yehowa walayele ha gutshita mukunda nu athu ana gumuhaga ha fundo dia thomo mu monyo wawo?
ATHU AKO ANA ZUELA EGI: “Ngudi naye gutshita mudimo wakola ha gukuatesa enya fami yami. Ngushigo naye guya mu gudibungisa gua mu hungu phoso nu phoso.”
-
Verse itshi yana gugutshiginyisa egi guhaga gikombelelo gia Yehowa ha fundo dia thomo didi desizio diabonga?
NDAGA WALONGUGA
Mudimo nu makuta ana khala nu ndando, uvi ishigo naye gutuwunganesa matangi ha gukombelela Yehowa.
Mihu ya Guvutugila
-
Itshi yajiya gugukuatesa ha gutadila mudimo mu luholo luabonga?
-
Luholo lutshi gusuanguluga nu ima udi naye guana gugukuatesa?
-
Luholo lutshi wajiya gumonesa egi udi musha mutshima gu ndaga jialayele Yehowa egi mbawukuatesa akombeledi enji?
NDAGA JIKO JIA NDANDO
Tanga longo edi ha gumona gula Biblia yana zuela egi makuta adi gima giabola.
“L’argent est-il la racine de tous les maux?” (Longo edi didi mu jw.org)
Longuga longo edi ha gujiya luholo lua gukalegela makuta ha gusuanguluisa Nzambi.
Gutshita saga jia falanga gushigo ndaga yabola ba?
“D’après la Bible—Les jeux d’argent” (Réveillez-vous! ya Mars 2015)
Tala ndaga yakuatesele muthu mumoshi wakhalele mutshita saga jia makuta nu mbundudi mumoshi ha gusombegesa.
“Les courses de chevaux étaient ma passion” (Inzo Yaleha ya Mutaledi ya 1 Novembre 2011 ya français)
