LONGO DIA 41
Itshi Biblia Yana Zuela mu Ndaga Yatadila Gubungisa Muila?
Athu avula ana vua musonyi ha guzuelela ndaga yatadila gubungisa muila. Uvi, tangua Biblia yana zuelela ndaga yene, yana guyizuelela haphelo nu ginemua giagasue. Ndaga jiana zuela Biblia jiana gutubatela gubonga. Idi ngenyi handaga, Yehowa udi Mufugi wetu, wana jiya muabonga ndaga idi yabonga mukunda nu esue. Wana gutumonesa ndaga tudi naye gutshita ha gumusuanguluisa, nu ndaga yajiya gutukuatesa ha guheta monyo wa ivo nu ivo.
1. Luholo lutshi Yehowa wana tadila gubungisa muila?
Gubungisa muila idi khapho Yehowa wahanele athu. Wana tshigina egi yala nu mukhetu anyi adizudile gale mu ulo abungise muila ha gusuanguluga. Gubungisa muila guana kuatesa yala nu mukhetu ha guvuala ana, nu ha gudimonesela guzumba mu luholo luabonga nu luatagana. Gishina giene Mbimbi ya Nzambi yana zuela egi: ‘Suanguluga nu mukaji’aye wazudile mu ulenge.’ (Ishima 5:18, 19) Yehowa wana tshigina egi, Aklisto adizudile gale mu ulo akhale a gujinginyina mu ulo wawo, hagula akalagalago uthambi.—Tanga Hebelu 13:4.
2. Uthambi udi itshi?
Biblia yana gutuwambela egi: “Athu ana gukalagala uthambi . . . mbaashigo mungina mu Ufumu wa Nzambi.” (1 Kolinto 6:9, 10) Athu asonegele Biblia mu Greke akalegele mbimbi porneia ha guzuelela uthambi. Mbimbi yene yana kotelesa 1) athu adi mubungisa muila a uvi ene khenji adizudile ndo mu ulo, 2) mala adi mubungisa muila nu mala n’ako, nga akhetu nu akhetu, nga 3) athu adi mubungisa muila nu shitu. Tuana suanguluisa Yehowa nu tuana heta gubonga tangua tuana ‘tuna uthambi.’—1 Tesalonike 4:3.
TUKAMBE GUJIYA NDAGA JIAVULA
Tala luholo wajiya gulenga uthambi, nu gubonga wajiya guheta gula wabamba makalegelo aye abonga.
3. Lenga uthambi
Yozefe wakhalele ya gujinginyina gudi Nzambi, hene gatunyile gubungisa muila nu mukaji’a Potifale. Tanga Gisendeselo 39:1-12, gungima zuelelenu mihu eyi:
-
Itshi yatumile Yozefe ha gulenga?—Tala verse 9.
-
Udi mutangiza egi Yozefe wazudile desizio diabonga ba? Mukunda natshi?
Luholo lutshi muvuala wajiya gulenga uthambi ha gulandula gifezegeselo gia Yozefe? Tala VIDEO.
Yehowa udi mutshigina egi mukut’etu agasue tubembe ndaga jia musonyi. Tanga 1 Kolinto 6:18, gungima zuelelenu mihu eyi:
-
Ndaga jitshi jiajiya gutuma muthu ha gukalagala uthambi?
-
Luholo lutshi wajiya gulenga uthambi?
4. Wajiya gukolesela gula walolewa ha gutshita uthambi
Itshi yajiya gutshita egi ikhale lamba ha gukolesela gula walolewa ha gutshita uthambi? Tala VIDEO, gungima zuelelenu muhu owu walandula.
-
Itshi phangi wa yala tuamona mu video watshitshile tangua gakotelesele egi ndaga jiana tangiza muene nu jinyi jiana tshita muene jiajiya gumutuma ha gukalagala uthambi?
Ikhale Aklisto a gukula mu nyuma, matangua ako matangi abola ana guajila, uvi ana tshita ngolo ha guakatula. Luholo lutshi wajiya gubemba gutangiza ndaga jia musonyi? Tanga Filiphi 4:8, gungima zuelelenu mihu eyi:
-
Ndaga jia luholo lutshi tudi naye gutangiza?
-
Luholo lutshi lutango lua Biblia, nu gudihana muavula mu mudimo wa Yehowa guajiya gutukuatesa ha gusala ya gujinginyina gula tualolewa ha gutshita gubola?
5. Mikhuala ya Yehowa yana gutubatela gubonga
Yehowa wana jiya muabonga ndaga jiabonga mukunda nu esue. Wana gutudijiga luholo tuajiya gubamba makalegelo abonga nu gubonga tuajiya guheta. Tanga Ishima 7:7-27 nga ndo tala VIDEO, gungima zuelelenu mihu eyi yalandula.
-
Itshi muvuala wa yala yowu watshitshile yakhalele naye gumubuisa mu gubola?—Tala Ishima 7:8, 9.
-
Luholo Ishima 7:23, 26 idi guyimonesa, gutshita uthambi guajiya gubata malamba avula. Malamba atshi mbatushigo mutagana nawo gula tudi nu makalegelo awaha?
-
Luholo lutshi gukhala nu makalegelo abonga guajiya gutukuatesa ha guheta monyo wa ivo nu ivo?
Athu avula ana tangiza egi ndaga jiana zuela Biblia mukunda nu athu ana bungisa muila mala nu mala, nga akhetu nu akhetu jiana khalago jiabonga. Uvi Yehowa Nzambi wa guzumba wana tshigina egi muthu wagasue ahete monyo wa ivo nu ivo. Ha guheta monyo wene, tudi naye gutumagela mikhuala yenji. Tanga 1 Kolinto 6:9-11, gungima zuelelenu muhu owu:
-
Gu meso a Nzambi, phamba gubungisa muila mala nu mala, nga akhetu nu akhetu guana khala guabola ba?
Ha gusuanguluisa Nzambi, mukut’etu agasue tudi naye gusombegesa makalegelo etu. Gutshita ngenyi gudi nu ndando ba? Tanga Ngimbo 19:8, 11, gungima zuelelenu mihu eyi:
-
Udi mutangiza egi mikhuala ya Yehowa yatadila makalegelo abonga idi yawaha ba? Mukunda natshi wazuela ngenyi?
Yehowa wakuatesele gale athu avula ha gutumagela mikhuala yenji yatadila makalegelo abonga. Wajiya nji gugukuatesa
ATHU AKO ANA ZUELA EGI: “Gula athu mbadi ana gudizumba, abungisa muila ishigo ndaga yabola.”
-
Itshi wajiya guzuela?
NDAGA WALONGUGA
Gubungisa muila gudi khapho Yehowa wahanele athu adizudile gale mu ulo.
Mihu ya Guvutugila
-
Gutshita uthambi guakotelesa itshi?
-
Itshi yajiya gutukuatesa ha gulenga uthambi?
-
Gubonga gutshi tuajiya guheta gula tudi mutumagela mikhuala ya Yehowa?
NDAGA JIKO JIA NDANDO
Tala gishina Nzambi wana tshigina egi yala nu mukhetu adizule mu ulo gula adi mutshigina gukhala hamoshi.
“Vivre en couple sans être mariés: Qu’en dit la Bible?” (Longo edi didi mu jw.org)
Tala mukunda natshi matangi a Biblia atadila gubungisa muila mala nu mala nga akhetu nu akhetu ashigo mukotelesa egi tudi naye gukhala mbalagaji jia athu ene.
Tala luholo mikhuala ya Nzambi yatadila maluholo agasue a gubungisa muila yana gutubamba.
Tala ndaga yakuatesele yala mumoshi ha gusombegesa makalegelo enji ha gusuanguluisa Yehowa mu lumene ludi muzuela egi: “Ils ont respecté ma dignité.”
“La Bible transforme des vies” (Inzo Yaleha ya Mutaledi ya 1 Avril 2011 ya français)
a Mbimbi yene yana monesa ndaga jiko jiavula gifua, gubungisa muila mu kano, gubungisa muila gu matago, nga muthu udi mukenesa itshinyi ya gubungishila muila ya muthu muko.