LONGO DIA 43
Luholo Lutshi Aklisto ana Tadila Matombe?
Ha mavu agasue, athu ana tadila matombe mu maluholo a gudisha. Athu ako ana suanguluga gunua matombe hamoshi nu mafuta awo. Ako ana guanua ndo. Uvi ako ana nua matombe avula, ana guakuata nji. Itshi Biblia yana zuela mukunda nu matombe?
1. Idi ndaga yabola ha gunua matombe ba?
Biblia yana tunyisa ndo gunua matombe. Tangua Biblia yana tanga makhapho atuhanele Nzambi, yana zuela egi: ‘Matombe ana suanguluisa mutshima wa muthu.’ (Ngimbo 104:14, 15) Biblia yana tanga mala nu akhetu a gujinginyina gudi Nzambi akhalele munua matombe.—1 Timote 5:23.
2. Longo ditshi Biblia yana hana athu anyi ana nua matombe?
Yehowa gana tshigina ndo egi tunue matombe avula nga tukuatewe matombe. (Galatiya 5:21) Biblia idi muzuela egi: ‘Ukuatshigo ufuta nu athu ana nua matombe avula.’ (Ishima 23:20) Hene, gula tudi munua matombe—ikhale tangua tudi hakhetu—tushigo naye gunua matombe avula ajiya gutubuisa wuga, nga tobo-tobo nga gutshita ndaga jiabola; tudi naye gubamba sante yetu. Gula ushigo mujiya uvudilo wa matombe wana nua, wajiya gubemba guanua.
3. Luholo lutshi tuajiya gunemesa desizio dia athu ako mu ndaga yatadila matombe?
Muthu wagasue udi naye guzula desizio dia gunua matombe nga ndo. Tushigo naye gumona gubola gula muthu udi munua matombe mu luholo luabonga; tushigo naye nji gushinjiga athu ako ha gunua matombe. (Roma 14:10) Gula gunua matombe gudi mutuma athu ako ha gubua mu gubola, tudi naye gubemba guanua. (Tanga Roma 14:21.) Tushigo naye gukamba ‘phamba gubonga guetu, uvi tukambe nji gubonga gua athu ako.’—Tanga 1 Kolinto 10:23, 24.
TUKAMBE GUJIYA NDAGA JIAVULA
Tutadile malongo a Biblia ajiya gugukuatesa ha guzula desizio gula udi naye gunua matombe nu guvula gua matombe wajiya gunua. Tuza mumona nji ndaga wajiya gutshita gula udi nu khadilo dia gunua matombe avula.
4. Zula desizio gula udi naye gunua matombe nga ndo
Luholo lutshi Yesu wakhalele mutadila gunua matombe? Ha guheta mvutu, tutadile ndaga ya gushimana ya thomo yakalegele muene. Tanga Yone 2:1-11, gungima zuelelenu mihu eyi:
-
Ha gutadila ndaga eyi ya gushimana, luholo lutshi Yesu wakhalele mutadila matombe nu athu anyi akhalele guanua?
-
Yesu gatunyishilego gunua matombe, na luholo lutshi Muklisto udi naye gutadila muthu udi munua matombe?
Ikhale Muklisto gatunyishiwego gunua matombe, ishigo mukotelesa egi wajiya genji guanua tangua diagasue. Tanga Ishima 22:3, gungima zuelelenu luholo ndaga eji jialandula jiajiya gugutuma ha gunua matombe nga ndo:
-
Gula udi muwendesa gamiyo nga udi mukalegela mashinyi ako.
-
Gula udi gu vumo.
-
Gula munganga wagutunyishile gunua matombe.
-
Gula ushigo mujiya uvudilo wa matombe udi naye gunua.
-
Gula mukhuala wa leta udi mutunyisa gunua matombe (alcool).
-
Gula udi nu muthu munu wana tuna gunua matombe handaga mu masugu abalega wakhalele mukuatewa matombe.
Wajiya guhana athu matombe gu fete ya ulo nga gu fete jiko ba? Ha gujiya ndaga yajiya gugukuatesa ha guzula desizio, tala VIDEO.
Tanga Roma 13:13 nu 1 Kolinto 10:31, 32. Gungima dia gutanga mukhapho wagasue, zuelelenu muhu owu:
-
Luholo lutshi gukalegela longo edi guajiya gugukuatesa ha guzula desizio dinyi mbadisuanguluisa Yehowa?
Muklisto wagasue udi naye guzula desizio dia gunua matombe nga ndo. Ikhale matangua ako wajiya gunua matombe, uvi matangua ako wajiya gutuna guanua
5. Jiya uvudilo wa matombe udi naye gunua
Gula wazula desizio dia gunua matombe, udi naye gujiya egi: Ikhale Yehowa gatunyishilego gunua matombe, uvi wana zuela egi gunua matombe avula gudi ndaga yabola. Mukunda natshi? Tanga Hoshea 4:11, 18, gungima zuelelenu muhu owu:
-
Itshi yajiya gubuila muthu munu udi munua matombe avula?
Itshi yajiya gutukuatesa ha gubemba gunua matombe avula? Tudi naye gukamba gudijiya muabonga. Tanga Ishima 11:2, gungima zuelelenu muhu owu walandula:
-
Mukunda natshi idi ndaga yabonga ha gujiya uvudilo wa matombe tudi naye gunua?
6. Ndaga yajiya gukuatesa muthu ha gubemba gunua matombe avula
Tala ndaga yakuatesele yala mumoshi ha gubemba gukuatewa matombe. Tala VIDEO, gungima zuelelenu mihu eyi yalandula.
-
Mu video eyi tuatala, luholo lutshi Dmitry wakhalele mukalagala ndaga gula wanua matombe?
-
Yakhalele yaleba mukunda nu muene ha gubemba gunua matombe ba?
-
Itshi yamukuatesele ha gubemba gunua matombe?
Tanga 1 Kolinto 6:10, 11, gungima zuelelenu mihu eyi:
-
Luholo lutshi gukuatewa matombe gudi diago ndaga yabola?
-
Itshi idi mumonesa egi muthu munu wana kuatewa matombe wajiya gusombegesa?
Tanga Matayo 5:30, gungima zuelelenu muhu owu:
-
Tangua Yesu wazuelele egi tudi naye gubatula koko dietu, watshiginyile guzuela egi tudi naye gukalagala ndaga jidi musuanguluisa Yehowa. Itshi wajiya gutshita gula udi mutshita ngolo ha gubemba khadilo dia gukuatewa matombe? a
Tanga 1 Kolinto 15:33, gungima zuelelenu muhu owu:
-
Itshi yajiya gugubuila gula udi mubalegesa tangua nu mafuta aye anyi ana nua matombe avula?
ATHU AKO AJIYA GUHULA EGI: “Gunua matombe gudi guabola ba?”
-
Mvutu itshi wajiya guahana?
NDAGA WALONGUGA
Yehowa watuhanele matombe ha gutusuanguluisa, uvi wana gututunyisa egi tukuatewago matombe nga guanua avula.
Mihu ya Guvutugila
-
Luholo lutshi Biblia yana tadila matombe?
-
Malamba atshi ajiya gugubuila gula udi munua matombe avula?
-
Luholo lutshi tuajiya gunemesa desizio dia athu ako mu ndaga yatadila gunua matombe?
NDAGA JIKO JIA NDANDO
Luholo lutshi mavuala ajiya guzula badesizio abonga mu ndaga yatadila matombe?
Tala ndaga jiajiya gugukuatesa ha gubemba gunua matombe avula.
Aklisto ajiya guthuphula makhopho a matombe ha guabunda gosa gutuama dia guanua ba?
“Questions des lecteurs” (Inzo Yaleha ya Mutaledi ya 15 Fevrier 2007 ya français)
Tala ndaga yakuatesele yala mumoshi ha gubemba gunua matombe avula mu longo didi muzuela egi: “J’étais une barrique sans fond.”
“La Bible transforme des vies” (Inzo Yaleha ya Mutaledi ya 1 Mai 2012 ya français)
a Athu anyi ana khala nu khadilo dia gunua matombe avula ajiya gukamba ukuateshi gudi munganga ha gubemba guanua. Minganga yavula yana zuela egi athu anyi ana lua nu khadilo dia gunua matombe avula ajiya gutuna gunua matombe agasue.