LONGO DIA 44
Mawano Agasue ana Suanguluisa Nzambi Ba?
Yehowa wana tshigina egi tukhale nu gusuanguluga mu monyo wetu, tukalagale nji mawano mu matangua ako. Uvi mawano agasue ana gumusuanguluisa ba? Luholo lutshi tuajiya gumonesa egi tuana zumba Yehowa mu ndaga yatadila mawano?
1. Mukunda natshi mawano avula ana suanguluisa ndo Yehowa?
Wajiya gudihula ha gujiya egi mawano avula ana katuga mu malongo a mambo a aphagano. Yajiya gukhala egi mawano avula ana gudivua nu malongo a ikombelelo ya mambo. Mawano ene ana gudivua nu ndaga jia wanga nga malongo anyi ana zuela egi monyo wana fua ndo. Mawano ako ana katuga mu midimo ya phipha nga ima ya shanse. (Yeshaya 65:11) Yehowa wana wambela akombeledi enji egi: ‘Dikhaphenu nawo . . . mukuatshigo luko gima gia usala.’—2 Kolinto 6:17. a
2. Yehowa wana gudivua luholo lutshi mu ndaga yatadila mawano anyi ana hana lutumbu gudi athu?
Yehowa gana tshigina ndo egi ‘tushe mutshima gudi athu.’ (Tanga Yelemiya 17:5.) Mawano ako ana hana lutumbu gudi mafumu nga masuta. Ako ana kalegewa ha gutumbuisa ndaga jia gifutshi nga lusugu lua diphanda. (1 Yone 5:21) Uvi ako ana tumbuisa ndaga jia politike nga ndaga jiko jia ha mavu. Luholo lutshi Yehowa wajiya gudivua gula tuahana lutumbu gudi athu nga gudi ulondegi umoshi udi mutshita ndaga jishigo gudivua nu gutshigina guenji?
3. Makalagelo atshi ajiya gututuma ha gutuna mawano ako?
Biblia yana tunyisa “gukuatewa matombe, gukalagala mawano abola, [nu] gunua matombe avula.” (1 Phetelo 4:3) Mu mawano ako, athu ana monesa ndo khadilo dia gudikanda, ana tshita nji ndaga jia musonyi. Ha gubamba ufuta wetu nu Yehowa, tudi naye gutuna ndaga jia usala jia luholo elu.
TUKAMBE GUJIYA NDAGA JIAVULA
Tala luholo wajiya gusuanguluisa Yehowa ha guzula badesizio abonga mu ndaga yatadila mawano.
4. Tuna mawano anyi ana suanguluisa ndo Yehowa
Tanga Efeso 5:10, gungima, zuelelenu mihu eyi:
-
Ndaga itshi tudi naye gujiya tangua tudi mutshigina guzula desizio gula tudi naye gutshita wano nga ndo?
-
Mawano atshi ana kalegewa muavula ha fundo wana jinga?
-
Udi mutangiza egi mawano ene ana suanguluisa Yehowa ba?
Ha gufezegesa, wadihudile gale ha gujiya itshi Nzambi wana zuela mu ndaga yatadila wano wa lusugu lua guvualewa ba? Biblia yana zuelela ndo nga mukombeledi wa Yehowa mumoshi wakalegele wano wa lusugu lua guvualewa, uvi yana zuelela mawano mbadi a lusugu lua guvualewa akalegewe gudi athu anyi akhalelego akombeledi enji. Tanga Gisendeselo 40:20-22 nu Matayo 14:6-10. Gungima zuelelenu mihu eyi:
-
Gudivua gutshi gudi mukatshi dia mawano ene mbadi?
-
Ha gutadila mene eji jidi mu Biblia, udi mutangiza egi luholo lutshi Yehowa wana gudivua mukunda nu mawano a lusugu lua guvualewa?
Uvi wajiya gudihula egi: ‘Yehowa wajiya diago gudisagesa gula ngakalagala wano wa lusugu lua guvualewa nga wano uko ushigo mu Biblia ba?’ Tanga Guzoga 32:1-8. Gungima, tala VIDEO gungima dienji, zuelelenu mihu eyi yalandula.
-
Mukunda natshi tudi naye gukamba gujiya ndaga jinyi jiana suanguluisa Yehowa?
-
Luholo lutshi tuajiya guyitshita?
Luholo lua gujiya gula wano umoshi ushigo musuanguluisa Nzambi
-
Wano wene ushigo gudivua nu malongo a Biblia ba? Ha guheta mvutu, kamba ha gujiya gishina gienji.
-
Wano wene wana hana lutumbu gudi athu, mu ulondegi umoshi ngenyi nga gu ndaga jia gifutshi ba? Tuana hana Yehowa lutumbu gubalega ndaga jiagasue, tuana gumushila nji mutshima egi mbawukatula malamba agasue.
-
Ba kutime nu ndaga jia wano wene jiana gudivua ndo nu mikhuala ya Biblia ba? Tudi naye gubamba makalegelo aphelegeta.
5. Kuatesa athu ako ha gunemesa gutshigina guaye
Yajiya gukhala lamba ha gukolesela gula athu ako adi gugushinjiga ha gukalagala mawano anyi anago gusuanguluisa Yehowa. Awambele badesizio aye nu guhuiminyina guagasue nu gutema. Ha gujiya luholo wajiya guyikalagala, tala VIDEO.
Tanga Matayo 7:12, gungima zuelelenu mihu eyi:
-
Ha gutadila verse eyi, udi naye gutunyisa enya fami yaye ha gukalagala wano umoshi ba?
-
Itshi wajiya gutshita ha gutshiginyisa enya fami yaye egi ikhale mbawushigo mukalagala nawo wano hamoshi, uvi mbawulandula guazumba nu guazula nu ndando?
6. Yehowa wana tshigina egi tukhale nu gusuanguluga
Yehowa wana tshigina egi tubalegese tangua diabonga nu enya fami yetu nu mafuta etu. Tanga Mulongeshi 8:15, gungima zuelelenu muhu owu:
-
Luholo lutshi verse eyi idi mumonesa egi Yehowa wana tshigina egi tukhale nu gusuanguluga?
Yehowa wana tshigina egi akombeledi enji abalegese tangua diabonga hamoshi. Tala VIDEO ha gumona luholo ndaga yene yakalegewe gu ba asamble etu akoma.
Tanga Galatiya 6:10, gungima zuelelenu mihu eyi:
-
Tudi naye gunenga mawano ana kalagala athu agasue ha gutshita “ndaga jiabonga” gudi athu ako ba?
-
Khapho dia luholo lutshi diajiya gugusuanguluisa: khapho diagushinjigiwa ha guhana mu lusugu lua wano, nga khapho udi muhana nu mutshima waye wagasue?
-
Matangua ako matemue a Yehowa avula ana tshita ndaga ha gusuanguluisa an’awo nu guahana ba kado. Gula udi nu ana, ndaga jitshi jiabonga wajiya gutshita mukunda nu ene?
ATHU AKO ANA ZUELA EGI: “Ishigo nu ndando ha gujiya gishina gia wano. Ndaga ya ndando idi gubalegesa tangua hamoshi nu enya fami nu mafuta etu.”
-
Itshi wajiya guawambela?
NDAGA WALONGUGA
Yehowa wana tshigina egi tubalegese tangua hamoshi nu enya fami nu mafuta etu. Uvi wana tshigina nji egi tutune mawano anyi ana gumusuanguluisa ndo.
Mihu ya Guvutugila
-
Mihu itshi tudi naye gudihula ha gujiya gula wano umoshi ngenyi udi musuanguluisa Yehowa nga ndo?
-
Luholo lutshi tuajiya gukuatesa enya fami yetu nu mafuta etu ha gukotelesa desizio dietu mu ndaga yatadila mawano?
-
Luholo lutshi tudi mujiya egi Yehowa wana tshigina egi tukhale nu gusuanguluga?
NDAGA JIKO JIA NDANDO
Tala mawano ako anyi Aklisto ajiyilego gukalagala nga hazonda.
“Pourquoi les Témoins de Jéhovah ne célèbrent-ils pas certaines fêtes?” (Longo edi didi mu jw.org)
Tala ndaga nguana jiana gututshiginyisa diago egi mawano a lusugu lua guvualewa ana suanguluisa ndo Nzambi.
Tala luholo muvuala wajiya gusuanguluisa Yehowa mu tangua dia wano.
Hana Mvutu nu Gutema Guagasue Tangua adi Gugusegulula (11:35)
Aklisto avula ana kalagala ndo wano wa Nowele. Luholo lutshi ana gudivua mukunda nu desizio diene?
“Ils ont trouvé mieux” (Inzo Yaleha ya Mutaledi ya 1 Decembre 2012 ya français)
a Tala Malongo a gisugishilo 5 ha gulonguga ndaga wajiya gutshita gula athu ako adi mutshita wano.