LONGO DIA 46
Mukunda Natshi udi Naye Gudihana Gudi Nzambi nu Gubatijiwa?
Ha gudihana gudi Yehowa, udi naye gumulaya mu gisambu egi mbawumukombelela phamba muene nu mbawuhaga gutshigina guenji ha fundo dia thomo mu monyo waye. (Ngimbo 40:8) Gungima, wajiya gubatijiwa. Ngenyi, mbawumonesa gu meso a athu ako egi wadihanyi gale gudi Nzambi. Gudihana gudi Nzambi gudi desizio dia ndando tudi naye guzula. Itshi yajiya gugukuatesa ha guzula desizio diene?
1. Itshi yajiya gukuatesa muthu ha gudihana gudi Nzambi?
Guzumba guajiya gutukuatesa ha gudihana gudi Yehowa. (1 Yone 4:10, 19) Biblia yana gutuwambela egi: “Zumba Yehowa Nzambi waye nu mutshima waye wagasue nu monyo waye wagasue nu matangi aye agasue nu ngolo jiaye jiagasue.” (Mako 12:30) Tuana monesa guzumba guetu gudi Nzambi mu ndaga tuana zuela nu jinyi tuana tshita. Gifua luholo guzumba gua giamatshidia guana tuma yala nu mukhetu ha gudizula mu ulo, guzumba guetu mukunda nu Yehowa guana gututuma nji ha gudihana gudi muene nu gubatijiwa.
2. Gubonga gutshi Yehowa wana hana gudi Matemue enji anyi abatijiwe gale?
Gula wabatijiwa, mbawungina mu fami ya gusuanguluga ya akombeledi a Yehowa. Yehowa mbawugumonesela guzumba mu maluholo avula, nu mbawukolesa ufuta waye n’enji muavula gubalega mangino. (Tanga Malaki 3:16-18.) Yehowa mbawubua Tata waye, mbawuheta nji fami ya mu nyuma ya aphangi a mala nu a akhetu a ha mavu agasue ana gumuzumba nu ana guguzumba aye. (Tanga Mako 10:29, 30.) Uvi udi naye gutshita ndaga jiavula gutuama dia gubatijiwa. Udi naye gulonguga ha gujiya Yehowa, gumuzumba nu guhaga gutshigina gudi mun’enji. Gungima, udi naye guhana monyo waye gudi Yehowa. Gula watagenesa ndaga eji jiagasue, wabatijiwa, mbayikhala yaleba mukunda nu aye ha guheta monyo wa ivo nu ivo. Mbimbi ya Nzambi yana zuela egi: “Gubatijiwa gudi gumihuluisa luenyelu.”—1 Phetelo 3:21.
TUKAMBE GUJIYA NDAGA JIAVULA
Tutale mukunda natshi idi nu ndando egi udihane gudi Yehowa nu ubatijiwe.
3. Mukut’etu agasue tudi naye gutomba muthu tudi naye gukombelela
Gu Isalele ikulu, athu ako akhalele muzuela egi ajiya gukombelela Yehowa nu Bale nzambi wa mambo. Uvi Yehowa watumile profete Eliya ha guawambela egi ashigo naye gutshita ngenyi. Tanga 1 Mafumu 18:21, gungima zuelelenu muhu owu:
-
Desizio ditshi enya Isalele akhalele naye guzula?
Esue nji tudi naye gutomba gula nanyi tudi naye gukombelela. Tanga Luka 16:13, gungima zuelelenu mihu eyi:
-
Mukunda natshi tushigo naye gukombelela Yehowa nu nzambi muko nga gima giko?
-
Luholo lutshi tuajiya gumonesa egi tuatombi ha gukombelela Yehowa?
4. Khala mutangigiza luholo Yehowa wana guguzumba
Yehowa watuhanele ima yavula yabonga. Itshi tuajiya gumuhana? Tala VIDEO.
Mu maluholo atshi Yehowa wamonesele egi wana guguzumba? Tanga Ngimbo 104:14, 15 nu 1 Yone 4:9, 10, gungima zuelelenu mihu eyi:
-
Makhapho atshi a Yehowa ana gugusuanguluisa muavula?
-
Makhapho ene ana gugutuma ha gudivua gikuatshi mukunda nu Yehowa?
Gula tuaheta khapho dimoshi didi gutusuanguluisa, tuana hana mersi gudi muthu watuhanyi nadio. Tanga Mikhuala 16:17, gungima zuelelenu muhu owu:
-
Gula watangiza ndaga jiagasue jiakalegele Yehowa mukunda nu aye, yana gugutuma ha gumuhana itshi?
5. Gudihana gudi Yehowa guana bata gubonga guavula
Athu avula ana tangiza egi gujiyiwa muavula, nu mudimo wabonga nga gukhala nu makuta avula guajiya guabatela gusuanguluga. Idi ngenyi ba? Tala VIDEO, gungima zuelelenu mihu eyi yalandula.
-
Muvuala tuatala mu video wakhalele muzumba guta balo, uvi mukunda natshi wabembele guta balo?
-
Wazudile desizio dia gudihana gudi Yehowa, uvi gu balo ndo. Udi mutangiza egi wazudile desizio diabonga ba? Mukunda natshi?
Gutuama egi mupostolo Phaula abue Muklisto, wakhalele nu mudimo wabonga. Walongugile mikhuala ya enya Yuda muabonga gudi mulongeshi mumoshi wakoma. Uvi wabembele ima yene yagasue ha gubua Muklisto. Phaula wadibelele mukunda nu ndaga yene ba? Tanga Filiphi 3:8, gungima zuelelenu mihu eyi:
-
Mukunda natshi Phaula udi muzuela egi ndaga jiakalegele muene gutuama dia gubua Muklisto jiakhalele “gifua ima ya ha shita,” nga ndo gifua ima ishigo nu ndando?
-
Itshi yahetele muene gungima?
-
Itshi yajiya gugubatela gusuanguluga mu monyo waye: Gukombelela Yehowa nga gukalagala ndaga iko?
Tangua Phaula wabuile Muklisto, wahetele ima yavula gubalega inyi yabembele muene
ATHU AKO ANA ZUELA EGI: “Gudihana gudi Nzambi gushigo nu ndando.”
-
Mukunda natshi udi mutangiza egi gudihana gudi Yehowa gudi nu ndando yavula?
NDAGA WALONGUGA
Guzumba guana gututuma ha gudihana gudi Yehowa nu gubatijiwa.
Mihu ya Guvutugila
-
Mukunda natshi tudi naye guzumba Yehowa nu mutshima wetu wagasue nu gumukombelela?
-
Luholo lutshi Yehowa wana shimbiga akombeledi enji anyi abatiwe gale?
-
Udi diago mutshigina gudihana gudi Yehowa ba?
NDAGA JIKO JIA NDANDO
Tala mukunda natshi mukhetu mumoshi wana shiga miziki, nu yala mumoshi wakhalele muta ndundu adihanele gudi Yehowa.
Les jeunes s’interrogent . . . Que vais-je faire de ma vie?—Souvenirs (6:54)
Tala ndaga jiko jiajiya gugukuatesa ha gudihana gudi Yehowa.
“Pourquoi se vouer à Jéhovah?” (Inzo Yaleha ya Mutaledi ya 15 Janvier 2010 ya français)
Mu video eyi, tala gusuanguluga guana heta athu anyi ana gudihana gudi Yehowa.
Tala ndaga yakuatesele mukhetu mumoshi ha gujiya ndaga yabalega ndando mu monyo wenji mu lumene ludi muzuela egi: “Pendant des années, je me suis demandé pourquoi on existe?”
“La Bible transforme des vies” (Inzo Yaleha ya Mutaledi ya 1 Novembre 2012 ya français)