Itshi Wajiya Gutshita ha Guheta Gubonga gua Ndaga Jidi mu Mukanda Wuwu?
Thomo tadila ndaga jiagasue jidi haha, gungima tala VIDEO.
GITSHINYI GIA THOMO
Ha gudilondega mukunda nu longo diagasue, sendesa nu gutanga gitshinyi gia thomo. Mihu idi mu isona yakoma (A) nu verse (B) yana monesa matangi a ndando. Verse jiko jidi jia gusonega egi “tanga.”
GITSHINYI GIA HAKATSHI
Ndaga jia thomo jidi jia gusonega (C) goshi’a ga muto ga lumene Ndaga Jiko jia Ndando jidi mukotelesa matangi muza mutadila. Tu mito tua lumene (D) tudi mumonesa ndaga jia ndando mudi naye gutadila. Tangenu verse jia Biblia, kambenu mvutu jia mihu, talenu nji video nu muthu wana gugulongesa Biblia.
Gula wabueta ha fundo asonega egi VIDEO idi gugubata mafundo adi video hagula utale, uhete matangi ako adi muzuelela ndaga mualonguga. Video jiko jiana monesa diago athu abuidile ndaga jidi muzuelewa mu video yene. Uvi Jiko jiana monesa ndaga jia giamatshidia jiana buila athu, uvi ndaga jiene jiabuidilego athu anyi adi mu video jiene.
Tadilenu ifuanesa nu mbimbi jidi mukotelesa ifuanesa yene (E), tangiza mvutu wajiya guhana gu muhu udi mu gamuto galumene Athu ako ana Zuela Egi (F).
GITSHINYI GIA GISUGISHILO
Longo diana suga nu gamuto ga lumene Ndaga Walonguga nu Mihu ya Guvutugila (G). Sonega lusugu longo diahua. Gamuto ga lumene Desizio Ngazula (H) gadi gugukuatesa ha gujiya ndaga udi naye gukalagala. Gamuto ga lumene Tala Ndaga Eji (I) gadi nu ndaga jiavula wajiya gutanga nu gutala.
Ndaga Jidi mu Mukanda Wuwu
|
|
Gitshinyi gia 3 
|
Gitshinyi gia 4 
|
Luholo lua guheta verse jia Biblia
Biblia yana khala nu mikanda yazonda-zonda mukatshi 66. Yana khala nu itshinyi mbadi: gitshinyi giasonegewe mu Hebelu nu mu Araméen (“Gikotelo Gikulu”) nu gitshinyi giasonegewe mu Greke (“Gikotelo Gihe-gihe”).
Gula ahana verse ya Biblia mu mukanda owu, ana sendesa thomo nu jina dia mukanda wa Biblia (A), gungima ana hana mukhapho (B), gu suga ana hana verse (C).
Ha gufezegesa, Yone 17:3 idi mumonesa mukanda wa Yone, mukhapho 17, verse 3.
