Ngudi Hehi Ba?
Ngudi Hehi ha Gulongesa Hamoshi nu Aphangi a mu Hungu Ba?
Ikhale khenji ubatijiwa gale ndo, wajiya gusendesa gulongesa . . .
Gula wana longuga Biblia, wana tshita gisambu nu wana guya mu gudibungisa gua mu hungu.
Gula wana zumba malongo a Biblia nu wana guatshigina; gula wana gualongesa nji gudi athu ako.
Gula wana zumba Yehowa nu wana kuata ufuta nu athu ana gumuzumba.
Gula wanago gudinginyisa mu ndaga jia politiki nu wanago gudibungisa nu ikombelelo ya mambo.
Gula wana nemesa mikhuala ya Yehowa nu udi mutshigina gubua Temue wa Yehowa.
Gula wamona egi udi mutshigina gulongesa hamoshi nu aphangi a mu hungu, muthu wana gugulongesa Biblia mbawugukuatesa ha guta maga nu akulu ha gujiya gula udi watagana ha gulongesa.
Ngajiya Gubatijiwa Ba?
Wajiya gubatijiwa . . .
Gula udi mulongeshi wa lukuma luabonga.
Gula wana gudihana muavula mu mudimo wa gulongesa lukuma luabonga.
Gula wana hana mago nu wana landula utuameji wana hana “muhiga wafubidila nu watema.”—Matayo 24:45-47.
Gula wadihanyi gale gudi Yehowa mu gisambu nu udi mutshigina gumukombelela monyo waye wagasue.
Gula wamona egi udi hehi ha gubatijiwa, muthu wana gugulongesa Biblia mbawugukuatesa ha guta maga nu akulu ha gujiya gula udi watagana ha gubatijiwa.
