Wana gumona egi idi lamba hagukalagala milonga yabonga ba?— Athu avula ana gutangiza luholo luene. Biblia yazuela egi yakhadile lamba gua Yosiase hagukalagala milonga yabonga. Uvi wakhadile nu mafuta abonga amukuatesele. Tute gale lumene lua Yosiase nu mafuta enji.

Jina dia tata wa Yosiase Amona, fumu wa enya Yuda. Amona wakhadile muthu wabola, wakhadile gukombelela isongo. Tangua Amona afile, Yosiase wabuile fumu wa enya Yuda. Uvi wakhadile phamba nu ivo 8! Watangiza egi Yosiase wakhadile fumu wabola gila shenji ba?— Ndo!

Yosiase wasendesele gutumagela Yehowa tangua akhadile galenge. Hene, watombele mafuta enji phamba athu ana guzumba Yehowa. Akuatesele Yosiase hagukalagala milonga yabonga. Akhuatshi akhadile mafuta a Yosiase?

Mumoshi jina dienji diakhadile Sefanya. Sefanya wakhadile ngambi wa  Nzambi, wa lezele enya Yuda egi gila akombelela isongo lamba mba didi guabuila. Yosiase wavidile Sefanya, wakombelele Yehowa, uvi, isongo ndo.

Futa dia Yosiase muko jina dienji diakhadile Yelemiya. Wakhadile gindongo gimoshi nu Yosiase, akudile fundo dimoshi. Tangua Yosiase afile, Yelemiya wamuyimbidile lungimbo hagumonesa gikenene gienji, handaka akhadile mafuta akola. Yelemiya nu Yosiase akhadile gudikuatesa hagukalagala milonga yabonga nu hagukombelela Yehowa.

Lumene lua Yosiase luajiya gugulongesa itshi?— Sendesa tangua Yosiase akhadile kalenge, wakhadile mukalagala milonga yabonga. Wajiyile egi mafuta enji adi naye gukhala athu ana guzumba Yehowa. Tomba mafuta ana guzumba Yehowa, ajiya gugukuatesa hagukalagala milonga yabonga!