Ifezegeselo idi mu Biblia yajiya gugukuatesa:

• 2Gudi 32:2-8​—Ezekiase wahanele enya Isalele gikhesa tangua enya Asiliya ajile gualuisa

• Dan 10:2, 8-11, 18, 19​—Muanjelo wahanele profete Danyele gikhesa hakhalele muene muthu wa gukola nu ya guleba

Ifezegeselo idi mu Biblia yajiya gugukuatesa:

• Mikh 3:28; 31:7, 8​—Gifua muazuelele Yehowa, Moize wakolesele Yoshua nu wamuhanele gikhesa, handaga muene wakhalele naye guhingana ha fundo dienji

• Mkl 11:22-26; 14:22​—Mupostolo Phaula nu Barnabase ahanele Aklisto a gu Antiokia gikhesa mu tangua dia usageshi

Ifezegeselo idi mu Biblia yajiya gugukuatesa:

• Manz 11:37-40​—Akhetu a gu Isalele akhalele muya mutala mun’a Yefeta wa mukhetu givo nu givo ha gumushimana luholo wayile mutshita mudimo gu inzo ya tenta

• Gum 2:1-4​—Gutuama egi Yesu awambele Aklisto a gu Efeso ndaga akhalele naye gulondega, waashimanele thomo mukunda nu ndaga jinyi akhalele mutshita muabonga

Ifezegeselo idi mu Biblia yajiya gugukuatesa:

• 1Sam 23:16-18​—Yonatana wakambele futa dienji Davidi mu tangua dia lamba ha gumuhana gikhesa

•  Yon 16:33​—Yesu wahanele alandudi enji gikhesa tangua diawambelele muene egi wabingi mavu, ene nji ajiya gubinga mavu gula alandula gifezegeselo gienji

• Mkl 28:14-16​—Hakhalele Phaula mu njila ha guya gu Roma, wahetele gikhesa tangua diamonele muene aphangi anyi ajile ha gumutagana

Ifezegeselo idi mu Biblia yajiya gugukuatesa:

• Ltg 11:10-15​—Moize walebele muila muavula mukunda nu khadilo dia guboguta, nu gulumbuga gua enya Isalele

• Ltg 13:31, 32; 14:2-6​—Khadilo dia guboguta dia athu kumi anyi ayile mutala dimbo dia Kanana dialebesele diago athu, diaatumile nji ha gulumbuga

Ifezegeselo idi mu Biblia yajiya gugukuatesa:

• 2Gudi 20:1-19​—Tangua mbalagaji jiajile nu masuta avula ha guluisa enya Yuda, Fumu Yosafata wakombelele Yehowa hamoshi nu enya Isalele

• Mkl 12:1-5, 12-17​—Mupostolo Yakoba washiyiwe, gungima mupostolo Phetelo wambiwe mu bologo, mu tangua diene, hungu dia gu Yelusalema diadibungishile ha gukombelela hamoshi

Ifezegeselo idi mu Biblia yajiya gugukuatesa:

• Gis 39:19-23; 40:1-8​—Yozefe wambiwe mambo, gungima amumbile mu bologo, ikhale ngenyi muene wasalele ya gujinginyina gudi Yehowa, wakhalele nji mukamba gukuatesa athu ako

• 2Maf 6:15-17​—Profete Elisha gakhalelego muvua woma tangua masuta avula ajile gumukuata, hene wakombelele Nzambi hagula muenya mudimo wenji akatule nji woma

 Ifezegeselo idi mu Biblia yajiya gugukuatesa:

• 1Sam 1:10, 11, 17, 18​—Yehowa wavile gisambu gia Ana, wamukuatesele ha guheta guhuima hakhalele muene nu gikenene

• 1Maf 19:1-19​—Tangua profete Eliya walebele muila, Yehowa wamuhanele ima ya gudia nu meya a gunua. Wamuhanele felela mukunda nu masugu adi muza; felela diene diamuhanele gikhesa nu ngolo

Ifezegeselo idi mu Biblia yajiya gugukuatesa:

• Yobo 14:1, 2, 7-9, 13-15​—Ikhale tangua Yobo walebele muila mukunda nu malamba, wakhalele mujiya egi Yehowa mbawumufuzumuna, ndaga yene yamuhanele ngolo

• Dan 12:13​—Profete Danyele wakhalele nu ivo hehi nu 100, muanjelo wamuhanele gikhesa hamuwambelele muene egi mbawuheta ishimbigo mu masugu adi muza

Ifezegeselo idi mu Biblia yajiya gugukuatesa:

• 1Sam 30:1-9​—Fumu Davidi wakombelele Yehowa mu tangua dia lamba, hene wahetele ngolo

• Luk 22:39-43​—Tangua Yesu watagenele nu lamba diakola, wabubidile Yehowa ha gumukuatesa, Yehowa watumile muanjelo ha gumuhana gikhesa

Ifezegeselo idi mu Biblia yajiya gugukuatesa:

• Mkl 15:2-4​—Mupostolo Phaula nu Barnabase ahanele aphangi gikhesa tangua ayile guatala mu hungu

• 3Yn 1-4​—Mupostolo Yone wasuangulugile muavula hajiyile muene egi, athu alongele muene giamatshidia akhalele a gujinginyina gudi Nzambi