Ifezegeselo idi mu Biblia yajiya gugukuatesa:

• Ngi 78:40, 41; 106:36-46​—Ikhale enya Isalele akhalele mulandula gutshita ndaga jiabola gu meso a Yehowa, uvi muene wakhalele guatotesela mbala nu mbala

• Luk 15:11-32​—Yesu wahanele gifezegeselo gia tata mumoshi wavile khenda mukunda nu mun’enji munu watshitshile gubola, uvi gungima wabalumuine mutshima, ha gumonesa egi Yehowa wana totesela athu

 Ifezegeselo idi mu Biblia yajiya gugukuatesa:

• Heb 9:22-28​—Mupostolo Phaula wamonesele egi Yehowa wajiya gututotesela gubola guetu phamba mukunda nu mulambu wahanele Yesu

• Gum 7:9, 10, 14, 15​—Mupostolo Yone wasonegele egi Nzambi watotesele gubola gua “thundu yakoma ya athu” handaga ana haga gutshigina gu mulambu wa Yesu Klisto

Ifezegeselo idi mu Biblia yajiya gugukuatesa:

• Yobo 42:7-10​—Gutuama egi Yehowa akatule malamba a Yobo nu amuhane ima yenji yagasue, wamutogele ha gukombelela mukunda nu mafut’enji thathu anyi azuelele ndaga jiabola mukunda nu muene

• Mat 18:21-35​—Yesu wahanele gifezegeselo gimoshi gidi mumonesa egi tudi naye gutotesela athu ako gula tudi mutshigina egi Yehowa atutotesele

Ifezegeselo idi mu Biblia yajiya gugukuatesa:

• Ngi 32:1-5; 51:1, 2, 16, 17​—Fumu Davidi watshitshile gubola guakoma, hene muila wamulebele, wavile nji gikenene giavula, uvi gungima wabalumuine diago mutshima

• Yak 5:14-16​—Yakoba wamonesele egi gula tuakalagala gubola guakoma, tudi naye guya mumona akulu

Ifezegeselo idi mu Biblia yajiya gugukuatesa:

• 1Maf 21:27-29; 2Gudi 18:18-22, 33, 34; 19:1, 2​—Tangua Fumu Ahaba wavile egi Yehowa udi gumuhana ndola, wavile gikenene giavula uvi gabalumuinego mutshima mu ndaga jiakalegele muene, hene Yehowa watunyile gumutotesela, wamushiyile

• 2Gudi 33:1-16​—Fumu Manase wakhalele diago muthu wabola; uvi, Yehowa wamutotesele habalumuine muene mutshima. Gungima, Manase watshitshile yagasue ha gukatula nzambi jia isongo gu Isalele hagula athu akombelele phamba Yehowa

 Gifezegeselo gidi mu Biblia giajiya gugukuatesa:

• 2Sam 12:13; 24:1; 1Maf 9:4, 5​—Davidi watshitshile gubola guakoma, uvi Yehowa wamutotesele handaga wabalumuine mutshima. Gungima Yehowa wazuelele egi Davidi wakhalele muthu wabonga

Ifezegeselo idi mu Biblia yajiya gugukuatesa:

• Mat 26:36, 40, 41​—Alandudi a Yesu abandele gawo tangua Yesu wakhalele diago nu funu ya ukuateshi wawo; ikhale ngenyi, Yesu wakotelesele egi akhalele a guhuila

• Mat 26:69-75; Luk 24:33, 34; Mkl 2:37-41​—Phetelo watunyile Yesu mahugo thathu egi gashigo gumujiya, uvi Yesu wamutotesele handaga Phetelo wabalumuine mutshima; gungima dia gufuzumuga guenji, Yesu wamonegele gudi Phetelo, wamuhanele nji inemo ya ndando mukunda nu hungu

Ifezegeselo idi mu Biblia yajiya gugukuatesa:

• Mat 23:29-33​—Yesu wawambelele alongeshi a mikhuala nu Afalese egi mbaaheta ndola mu Gehena, yakotelesa egi mbaashiyiwa mayilago

• Yon 17:12; Mk 14:21​—Yesu watamegele Yudasa Isakaliote egi “mona wakhalele naye gufua,” wazuelele nji egi yakhalele ndaga yabonga gula nga muthu munu wakhalele naye gumudiga gavualewego