Ifezegeselo idi mu Biblia yajiya gugukuatesa:

• Gis 3:1-6​—Eva gatshitshilego ngolo ha gukatula nzala jiabola

• Yosh 7:1, 4, 5, 20-25​—Tangua Akana washiyile mukhuala ya Yehowa, athu avula atagenele nu malamba mukunda nu gubola guenji

Ifezegeselo idi mu Biblia yajiya gugukuatesa:

• Gis 39:7-12​—Yozefe watunyile gutshita uthambi nu mukaji’a Potifale

• Yobo 31:1, 9-11​—Yobo wazudile desizio dia gutuna gutala mukhetu munu gashigo mukaji’enji nu matangi abola

• Mat 4:1-11​—Yesu wasalele ya gujinginyina tangua Satana wamulolele

Ifezegeselo idi mu Biblia yajiya gugukuatesa:

• Gis 39:4-12​—Yozefe walengele uthambi, ngatshima mukaji’a Potifale watshitshile ngolo ha gumubuisa

• Lungi 4:12; 8:6​—Mona mukhetu ya gu Sulama wasalele ya gujinginyina gudi muthu wakhalele muzumba muene, gatshitshilego uthambi; wakhalele gifua gilanga giambiwa mu luphango

Ifezegeselo idi mu Biblia yajiya gugukuatesa:

• 1Gudi 25:1-8​—Fumu Davidi wahagele ngimba nu athu akhalele mushiga miziki ha gutshita hamoshi hagula atagenese ginemo giawo muabonga

• Neh 3:1, 2, 8, 9, 12; 4:6-8, 14-18, 22, 23; 5:16; 6:15​—Yehowa wakuatesele athu enji handaga akhalele mutshita mudimo hamoshi, hene atungile luko ibayi ya Yelusalema mu masugu 52

Ifezegeselo idi mu Biblia yajiya gugukuatesa:

• 1Sam 23:15-18​—Yonatana wahanele Davidi gikhesa tangua Fumu Saula wakhalele mukamba gumushiya

• Mkl 15:22-31​—Hunji dia akulu atuameji dia mu siekle ya thomo, diatumile mahungu mukanda ha guahana gikhesa

Ifezegeselo idi mu Biblia yajiya gugukuatesa:

• Heb 12:1-3​—Mupostolo Phaula wahanele gifezegeselo gia Yesu ha gukuatesa Aklisto ha gukolesela

• Yak 5:10, 11​—Yakoba wahanele gifezegeselo gia Yobo, luholo luakolesele muene, nu luholo Yehowa wamushimbigile

Ifezegeselo idi mu Biblia yajiya gugukuatesa:

• Dan 1:3-5, 8-20​—Profete Danyele nu mafut’enji thathu atumagele mukhuala wa Moize mu ndaga yatadila ima ya gudia

• Luk 21:1-4​—Yesu wamonesele egi musomo wazonda wambile mukhetu wa gafunda wakhalele mumonesa egi udi nu gutshigina guavula

Ifezegeselo idi mu Biblia yajiya gugukuatesa:

• Neh 5:14-19​—Nehemiya wakhalele muvila Yehowa woma, hene gatunyile gukuya umonyi wa akombeledi a Nzambi gifua muakhalele mukalagala ba guvelenele ako

•  Heb 5:7, 8​—Yesu wabembele gifezegeselo luholo luakhalele muene muvila Nzambi woma

Ifezegeselo idi mu Biblia yajiya gugukuatesa:

• Mkl 10:1-7​—Ngatshima Koneliyo gakhalelego muenya Yuda, uvi Yehowa wamonele egi wakhalele gudihana mu isambu, wakhalele gumuvila woma, wakhalele nji nu khadilo dia guhana

• 1Tm 3:16​—Yesu wabembele gifezegeselo giabonga mu ndaga yatadila gusala ya gujinginyina gudi Nzambi

Ifezegeselo idi mu Biblia yajiya gugukuatesa:

• Ngi 45:2​—Profesi jiakhalele muzuelela Masiya jiadiangele guzuela egi, Fumu munu Yehowa watombele mbawukhala muzuela mbimbi jiabonga

• Luk 4:22​—Athu akhalele gudihula tangua akhalele muvua mbimbi jia Yesu

Ifezegeselo idi mu Biblia yajiya gugukuatesa:

• Ltg 14:1-4, 11​—Tangua enya Isalele atunyile gunemesa profete Moize nu Ngaga-nzambi Wakoma Alona, Yehowa wamonele egi atunyi gumutumagela muene

• Mat 21:33-41​—Yesu wahanele gifezegeselo giakhalele mumonesa ndaga mbayibuila athu anyi ashigo munemesa ba profete a Yehowa nu Mun’enji

Ifezegeselo idi mu Biblia yajiya gugukuatesa:

• Heb 11:8-10​—Abalahama wakhalele mujinga mu jinzo jia tenta gifua ngenji handaga Ufumu wa Nzambi wakhalele wa giamatshidia gu meso enji

• Heb 11:24-27​—Ba desizio azudile Moize mu monyo wenji akhalele mumonesa egi Yehowa wakhalele muthu wa giamatshidia mukunda nu muene

Ifezegeselo idi mu Biblia yajiya gugukuatesa:

• Luk 22:40-43​—Yesu wabembele gifezegeselo giabonga mu ndaga yatadila gunemesa Sh’enji ikhale mu tangua dia lamba

• 1Pt 3:1-6​—Mupostolo Phetelo watogele Aklisto a akhetu ha gulandula gifezegeselo gia Sara giatadila gunemesa alumi’awo