Ifezegeselo idi mu Biblia yajiya gugukuatesa:

• Gis 24:1-4, 7​—Hakhalele Abalahama muthu ya gukola, wazudile desizio dia guzula mukhetu mukunda nu mun’enji Izake mukatshi dia akombeledi a Yehowa, uvi mukatshi dia enya Kanana ndo, handaga akhalele mukombelela nzambi jiko

• Gis 28:1-4​—Izake wawambelele mun’enji Yakoba egi gashigo naye guzula mukhetu mukatshi dia enya Kanana, uvi udi naye guzula mukhetu munu wana kombelela Yehowa

Ifezegeselo idi mu Biblia yajiya gugukuatesa:

• 1Maf 11:1-6, 9-11​—Yehowa wavidile Fumu Salomo khabu handaga washiyile mukhuala wenji luholo luazudile muene akhetu a ifutshi iko; akhetu ene amunanele ha gukombelela nzambi jia isongo

• Neh 13:23-27​—Nehemiya wavile khabu gifua Yehowa, tangua enya Isalele azudile akhetu a mu ifutshi iko anyi akhalelego mukombelela Yehowa, hene waahanele ndola

Ifezegeselo idi mu Biblia yajiya gugukuatesa:

• 1Sam 25:2, 3, 14-17​—Nabale wakhalele nu umonyi wavula, uvi wakhalele muenya khuta, wakhalele nji mukalagala ndaga jiabola, gakhalelego yala wabonga mukunda nu Abigayile

• Ish 21:9​—Gula tuatombelego muabonga muthu ya gudizula n’enji mu ulo, mbatushigo mukhala nu gusuanguluga nga nu guhuima

• Rm 7:2​—Mupostolo Phaula wamonesele egi, gula mukhetu waya mu ulo, wana khala goshi’a mikhuala ya mulumi’enji munu gashigo muthu watagana; hene, mukhetu watema wana tala muabonga ha gujiya nanyi adi naye gudizula n’enji mu ulo

Gifezegeselo gidi mu Biblia giajiya gugukuatesa:

• Ish 24:27​—Gutuama egi yala azule mukhetu nu avuale ana, udi naye gutshita mudimo wakola wajiya gumukuatesa ha gutagenesa nzala jia enya fami yenji

Ifezegeselo idi mu Biblia yajiya gugukuatesa:

• Luta 2:4-7, 10-12​—Boaze wajiyile Luta muabonga tangua diakhalele gumumona muene mutshita mudimo wakola, nu luholo luakhalele muene mukuatesa Naomi; wahudile athu ako ha gujiya makalegelo enji, wamonele nji luholo Luta wakhalele muzumba Yehowa

• Luta 2:8, 9, 20​—Luta wamonele gisemo gia Boaze, nu khadilo dienji dia guhana nu luholo wakhalele muzumba Yehowa

Ifezegeselo idi mu Biblia yajiya gugukuatesa:

• Ish 5:18, 19​—Maluholo ako a gudimonesela guzumba ana khala phamba mukunda nu athu adizudile gale mu ulo

• Lungi 1:2; 2:6​—Tangua mubambi wa imeme nu mona mukhetu wa gu Sulama akhalele gudiwendela (kudiambisa) ha gudizula mu ulo, akhalele gudimonesela guzumba mu luholo luabonga

• Lungi 4:12; 8:8-10​—Mona mukhetu wa gu Sulama wakhalele gudikanda; wadifuanesele nu gilanga giambiwa mu luphango

Ifezegeselo idi mu Biblia yajiya gugukuatesa:

• Gis 21:8-12​—Yehowa wawambelele Abalahama ha gutegelela mukaji’enji Sara, ikhale gakhalelego musuanguluga nu matangi enji

• Ish 31:10, 11, 16, 28​—Yala watema munu udi nu mukhetu wabonga, ganago gumutuameza mu luholo luabola, nga gumona phamba gubola guenji, uvi wana gumushila mutshima, nu wana gumutumbuisa

• Ef 5:33​—Mupostolo Phaula wasonegele egi mukhetu udi naye gujiya egi mulumi’enji wana gumuzumba

Ifezegeselo idi mu Biblia yajiya gugukuatesa:

• Ish 1:8; 1Kol 7:4​—Nzambi wahanele akhetu nu amama ginemo giakoma mu fami

• 1Kol 11:3​—Mupostolo Phaula wamonesele egi mu ulondegi wa Yehowa, mukut’etu agasue tuana khala nu fumu, phamba Yehowa gashigo nu fumu handaga muene Nzambi wa ngolo jiagasue

• Heb 13:7, 17​—Mu hungu, nu mala nu akhetu adi naye gutumagela athu anyi adi gututuameza

 Gifezegeselo gidi mu Biblia giajiya gugukuatesa:

• Gis 18:12; 1Pt 3:5, 6​—Sara wakhalele munemesa mulumi’enji muavula, wakhalele gumutamega egi “fumu”

Ifezegeselo idi mu Biblia yajiya gugukuatesa:

• Gis 24:62-67​—Rebeka wakuatesele mulumi’enji Izake ha guheta gikhesa tangua gin’enji wafile

• 1Sam 25:14-24, 32-38​—Mulumi’a Abigayile wakhalele waheya, uvi Abigayile wamubambele, wahuluishile nji enya inzo yawo agasue tangua ayile mububila Davidi ha guavila khenda

• Es 4:6-17; 5:1-8; 7:1-6; 8:3-6​—Esete wahagele monyo wenji mu gingonza (mu gitulo) mbala jiyadi tangua diayile muene gudi fumu, ikhale amutamegelego, ha gumububila hagula abambe akombeledi a Nzambi