Nzambi watshigina athu asuanguluge nu monyo ha mavu. Wafugile mavu nu yima yagasue idi hene mukunda watuzumba. Gualeha ndo mba ukalagala hagula athu a ifutshi yagasue akhale nu monyo wabonga. Mba umukatula ishina ya malamba agasue a athu.—Tanga Yelemiya 29:11.

Gushigo ata guvernema umoshi wajiyilegale gukatula gusagesa, misongo nu gufa. Uvi mene jia bonga jidi guene. Gualeha ndo, Nzambi mbokatula ifumu yagasue y’athu mbausha gienji. Athu a gifumu giene mba ajinga mu gu huima nu muila wa bonga.—Tanga Yeshaya 25:8; 33:24; Danyele 2:44.

Malamba mbamuhua ha mavu gula Nzambi washiya athu abola ha mavu. (Sefanya 2:3) Tangua ditshi? Mbimbi ya Nzambi yazuelele gutuama milonga ya woma yidi mangino mu katshi dia athu. Milonga ya bola yidi mukalegewa ha mavu yadijiga egi gualeha ndo Nzambi udi guisugisa.—Tanga 2 Timote 3:1-5.

Tuatogewa ha gukamba gujiya Nzambi mu njila ya Mbimbi yenji, Biblia. Biblia idi gifua mukanda wa tata wa kuzumba watufundile. Yana kutudijiga ima tudi naye gukalagala ha gujinga mua bonga mangino nu ha gujinga ivuo nu ivuo ha mavu gu tuama. Yadiago, athu ako ajiyilego gusuanguluga ha gugumona adi gugukuatesa hagujiya Biblia. Uvi, luholo Nzambi watuhua felela dia monyo wa bonga gu tuama, gubemba ndo ata muthu mumoshi agulebese muila ha gujiya ndaga jiene.—Tanga Ishima 29:25; Yatuwuwe 14:6, 7.