Gula tumutshigina gusuanguluisa Yehowa, tudi naye guvuila muthu muko wa funu. Mualeha sha hamatuama ya gufuga Adama, Yehowa wafugile anjelo mungoshi wa ngolo mu dilu.

Hangima, Yehowa wamutumine hagubutshiwa gu Beteleheme gudi ndongo ingoshi mu jina dia Maliya. Mona wahuiwe jina dia Yesu.—Yone 6:38.

Hajingile mwene hamavu gifua muthu, Yesu wamonesele muabonga sha makalegelo a Nzambi. Wakhalele muthu wa bonga, wazumba, nunji athu akhalele nu lamba ndo ha gusuena hehi nu muene. Gakhalele nu woma ndo hagulonga athu ako giamatshidia gia Yehowa.

Mafumu a mabundu aseguluile Yesu mukunda wakhalele mutungulula malongi nu jinjila jiawo jiabola.

Yesu wasagele nji enya misongo nunji wazugishile athu ako agufwa.

Mafumu a mabundu atshitshile muagasue hagula enya Lomo abete Yesu nunji amushiye.