GITSHINYI 13
Itshi Tudi Naye Gutshita ha Gusuanguluisa Nzambi?
Tuna ndaga jia bola. 1 Kolinto 6:9, 10
Gula tuanutshigina Yehowa, tuajiilego gutshita ndaga jinyi jianutuna muene.
Yehowa gashi mutshigina ndo egi tukuye, tukuatewe matombe, nga tunue ima yinyi yanukuata athu.
Wanutuna gubungisa gua muila gua mala nu mala, nunji gashi mutshigina ndo egi tukhale enya ngina nga gulua nu athu ako.
Tuajiilego gukombelela isongo nga gutshita ginganga ngombo.
Mu Paladisu dinyi didi muza, fundo mbadishi mukhala guene ndo mukunda nu athu anutshita ndaga jiabola.
Tshita ndaga jia bonga. Matayo 7:12
Ha gusuanguluisa Nzambi, tudinaye gukolesela hagutshita gifua muene.
Tudi naye gutshitshila athu ako gubonga nu guakhapela ha guamonesa gutshigina guetu.
Tudi naye gukhala athu a masonga.
Khala muenya khenda nunji muthu yonu wanutotesela ako.
Leza athu ako ndaga jia Yehowa nu jinjila jienji.
Tala Malongo ako Ajiya Gugusuanguluisa
NDAGA JIATUTADILA
Gikuma Kitshi Tudi Naye Gulonguga Biblia?
Biblia idi mukuatesa ba million a athu mu mavu agasue ha guheta mvutu ya mihu ya ndando mukunda nu lujingu. Watshigina gukhala mukatshi diawo ba?
