“Athu agufua . . . mbaafuzumuga.”​—Makalegelo 24:15.

Idi guguhana gikhesa gula wafuisa muthu wana zumba.​—2 Kolinto 1:3, 4.

Idi gugukatula woma wa gufua.​—Hebelu 2:15.

Idi guguhana felela dia gumona luko athu wana zumba anyi afuile.​—Yone 5:28, 29.

Ayi, mukunda nu ndaga eji thatu:

• Nzambi udi mufugi wa monyo. Biblia idi mutamega Yehowa egi “gito gia monyo.” (Ngimbo 36:9; Makalegelo 17:24, 25) Muene wahanele ima yagasue monyo, udi diago watagana ha guhana luko monyo gudi muthu wa gufua.

• Mu tangua dikulu Nzambi wafuzumuine athu. Biblia imuzuelela athu nage afuzumugile ha mavu​—mavuala, athu agukula, mala nu akhetu. Ako atshitshile phamba ndambo ya matangua mu gufua, uvi muko watshitshile masugu nguana mu malumba!​—Yone 11:39-44.

• Nzambi udi mutshigina gufuzumuna luko athu. Mukunda nu Yehowa gufua gudi mbalagaji wenji. (1 Kolinto 15:26) Udi mutshigina diago gubinga mbalagaji wene, mu njila ya gufuzumuga. Udi diago nu nzala yakola ya gufuzumuna athu a gufua adi mu matangi’enji, nu ha guamona mujinga luko ha mavu.​—Yobo 14:14, 15.