“Nzambi . . . mbawukukumuna masoji agasue gu meso awo, gufua mbagukhadigo luko, nga gudila nga gutataganya, lamba nji mbadikhadigo luko. Ndaga jikulu jiatota.”​—Gumonesa 21:3, 4.

Mbawukhala nu mudimo wabonga unu mbawugusuanguluisa.​—Yeshaya 65:21-23.

Misongo nga malamba a luholo lutshi mbayishigo mukhala luko.​—Yeshaya 25:8; 33:24.

Aye, nu fami yaye, nu mafuta aye, mbamukhala diago mu gusuanguluga mayilago.​—Ngimbo 37:11, 29.

Ayi, mukunda nu ndaga eji mbadi:

• Nzambi udi nu ngolo jia gutagenesa malaji enji. Phamba Yehowa wanatamegewa mu Biblia egi: “Nzambi wa Ngolo Jiagasue,” handaga udi nu ngolo jishigo nu gisugishilo. (Gumonesa 15:3) Mbawutagenesa diago ndaga yalayele muene egi mbawulonda mavu. Gifua mudi muzuela Biblia, “gu meso a Nzambi gushigo nga ndaga imoshi yakola.”​—Matayo 19:26.

• Nzambi udi mutshigina gutagenesa malaji enji. Yehowa udi nu nzala yakola ya gufuzumuna athu afile gale.​—Yobo 14:14, 15.

  Biblia idi muzuela luko egi Yesu, Muna Nzambi, wasagele enya misongo. Mukunda natshi watshitshile ngenyi? Handaga watshiginyile diago gukuatesa athu akhalele nu funu ya ukuateshi. (Mako 1:40, 41) Yesu walanduile gifezegeselo gia Shenji.​—Yone 14:9.

  Tuajiya gutshigina diago egi Yehowa nu Yesu adi mutshigina gutukuatesa ha gukhala nu gusuanguluga mu masugu adi muza!​—Ngimbo 72:12-14; 145:16; 2 Phetelo 3:9.