“Gusuanguluga gukhale nu athu adi muvua mbimbi ya Nzambi nu adi guyitumagela!”​—Luka 11:28.

Mbawuheta guzumba gua giamatshidia​—Efeso 5:28, 29.

Mbawuheta ginemua gia giamatshidia​—Efeso 5:33.

Mbawukhala nu guhuima gua giamatshidia.​—Mako 10:6-9.

Ayi, mukunda nu ndaga eji mbadi:

• Nzambi udi mufugi wa fami. Biblia idi muzuela egi: Yehowa Nzambi, muene “wafugile fami.” (Efeso 3:14, 15) Mu guzuela guko, fami idi guene handaga Yehowa wayifugile. Mukunda natshi tushigo naye gujimbila ndaga eyi?

  Tangiza ndaga eyi: Gula wasuanguluga nu ima wadi, gungima udi mutshigina gujiya luholo lua giyitelega, nanyi udi naye guhula? Udi naye guhula muthu wayitelega.

  Luholo lumoshi nji, ha gujiya luholo lua gukhala nu gusuanguluga mu fami, udi naye guhula Yehowa, mufugi wa fami.​—Gisendeselo 2:18-24.

• Nzambi wana gudisagesa mukunda nu aye. Idi ndaga yabonga gula enya fami adi mukamba malongo a Yehowa adi mu Biblia. Mukunda natshi? Handaga Nzambi “wana gudisagesa mukunda nu enue.” (1 Phetelo 5:6, 7) Yehowa wana kamba gubonga guaye​—malongo enji ana khala abonga!​—Ishima 3:5, 6; Yeshaya 48:17, 18.