“Nzambi . . . mbawukukumuna masoji agasue gu meso awo, gufua mbagukhadigo luko, nga gudila nga gutataganya, lamba nji mbadikhadigo luko.”​—Gumonesa 21:3, 4.

Idi gututshiginyisa egi Nzambi gashigo gishina gia malamba etu.​—Yakobo 1:13.

Gukhala nu gikhesa handaga tudi mujiya egi Yehowa wana gudisagesa mukunda nu malamba tuana tagana nawo.​—Zakaliya 2:8.

Gukhala nu felela egi malamba etu mbahua.​—Ngimbo 37:9-11.

Ayi, mukunda nu ndaga eji mbadi:

• Nzambi ganatshigina ndo malamba nga gukalegela athu ndaga jiabola. Tala luholo Yehowa wakhalele muvua tangua athu enji akhalele musagesewa nu khuta. Biblia idi muzuela egi Yehowa wakhalele guavila khenda “mukunda nu malamba akhalele guamonesa mbalagaji jiawo.”​—Manzuji 2:18, Mukanda wa Nzambi.

  Nzambi ganatshigina ndo nga hazonda athu adi mutshitshila athu ako gubola. Ha gufezegesa, Biblia yana zuela egi Nzambi ganago gutshigina ‘koko idi mushiya muthu gakalegelego nga ndaga.’​—Ishima 6:16, 17, Mukanda wa Nzambi.

• Nzambi wanagudisagesa mukunda nu muthu wagasue. Ishigo phamba ‘muthu nu muthu hakhenji udi mujiya lamba nu gubala gudi nago muene,’ uvi Yehowa nji wana guyijiya!​—2 Gudilanduluila 6:29, 30, Mukanda wa Nzambi.

  Mu njila ya Ufumu wenji, Yehowa mbawumanesela lamba dia muthu wagasue. (Matayo 6:9, 10) Mangino, wana gukuatesa athu adi gumukamba nu mutshima umoshi.​—Makalegelo 17:27; 2 Kolinto 1:3, 4.