“Mavu agasue adi mu uhinyinyi wa muthu wabola.”​—1 Yone 5:19.

“Mun’a Nzambi wajile ha gushiya midimo ya Diabulu.”​—1 Yone 3:8.

Idi mukotelesa muabonga mukunda natshi malamba adi ha mavu.​—Gumonesa 12:12.

Idi gutukuatesa ha gukhala nu felela egi Nzambi mbawulonda ndaga jiagasue ha mavu.​—1 Yone 2:17.

Ayi, mukunda nu ndaga eji thathu:

• Uhinyinyi wa Satana mbawusophesewa. Yehowa udi mutshigina diago gusugisa uhinyinyi wa Satana. Walayele egi mbawushiya Diabulu, mbawukatula nji mayilago malamba agasue abatele Satana.​—Hebelu 2:14.

• Nzambi watombele Yesu Klisto ha guhinyina mavu. Yesu udi diago wa gudisha nu Satana fumu wa khuta nu wamina udi mutuameza mavu awa. Mukunda nu ufumu wa Yesu, Nzambi watendelele egi: ‘muene udi nu khenda gudi athu aleba nu gudi phutu. . . . Mbawuhuluisa athu mu usageshi nu umbundudi.’​—Ngimbo 72:13, 14, Mukanda wa Nzambi.

• Nzambi gajiyilego gumba mambo. Biblia imuzuela muabonga egi: “Nzambi gajiyilego gumba mambo.” (Hebelu 6:18) Gula Yehowa walaya ha gutshita gima, idi gifua wagitshitshi gale. (Yeshaya 55:10, 11) “Fumu wa ha mavu awa mbawubishidiwa hanze.”​—Yone 12:31.