Ufumu wa Nzambi Udi Itshi?
Udi mutangiza egi . . .
-
gima gimoshi gidi mu mutshima waye?
-
gishima?
-
guvernema imoshi idi mu dilu?
BIBLIA IMUZUELA EGI
“Nzambi wa mu dilu mbawuhaga ufumu umoshi, mbawukhadigo nu gisugishilo.”—Danyele 2:44, Mukanda wa Nzambi.
“Mon’a yala watuhuwa. Ufumu mbawukhala ha phanga jienji.”—Yeshaya 9:6, Mukanda wa Nzambi.
NDAGA YAWAHA MUKUNDA NU EYE
-
Gudi nu guvernema imoshi yatagana yajiya gugubatela gubonga.—Yeshaya 48:17, 18.
-
Mu mavu ahe-ahe adi muza, mbawukhala nu sante yabonga nu gusuanguluga.—Gumonesa 21:3, 4.
TUAJIYA DIAGO GUTSHIGINA NDAGA IDI MUZUELA BIBLIA BA?
Ayi, mukunda nu ndaga eji mbadi:
-
Yesu wamonesele ndaga Ufumu wa Nzambi mbawukalagala. Yesu walongesele alandudi enji ha gukombelela egi Ufumu wa Nzambi uze nu hagula gutshigina guenji gukalegewe ha mavu. (Matayo 6:9, 10) Yesu wamonesele luholo gukombelela guene mbagutagenesewa.
Tangua Yesu wakhalele ha mavu, wahanele athu akhalele nu nzala ima yagudia, wasagele enya misongo, wafuzumuine athu a gufua! (Matayo 15:29-38; Yone 11:38-44) Luholo Yesu wakhalele muthu udi naye guhinyina Ufumu wa Nzambi, wamonesele ndaga Ufumu wene mbawukalegela athu.—Gumonesa 11:15.
-
Ndaga jidi mukalegewa ha mavu jidi mumonesa egi gualeha ndo Ufumu wa Nzambi umuza. Yesu wazuelele egi gutuama egi Ufumu wa Nzambi ubate guhuima ha mavu, athu mbaatagana nu malamba, ita, nzala nu gudigita gua mavu.—Matayo 24:3, 7.
Tudi mumona ndaga jiene mangino. Hene, tuajiya diago gusha mutshima egi gushigo gualeha ndo, Ufumu wa Nzambi mbawumanesela malamba ene agasue.
TANGIZA GALE
Monyo mbawukhala luholo lutshi mu Ufumu wa Nzambi?
Biblia idi muhana mvutu mu NGIMBO 37:29 nu YESHAYA 65:21-23.
Tala Malongo ako Ajiya Gugusuanguluisa
ESSENTIAL BIBLE TEACHINGS
Ufumu wa Nzambi udi Itshi?
Hakhalele Yesu mulongesa ha mavu, walongele ndaga yatadila Ufumu wa Nzambi muavula gubalega ndaga jiko. Sendese mualeha, alandudi enji ana toga mu gisambu hagula Ufumu uze.
NDAGA JIATUTADILA
Gikuma Kitshi Tudi Naye Gulonguga Biblia?
Biblia idi mukuatesa ba million a athu mu mavu agasue ha guheta mvutu ya mihu ya ndando mukunda nu lujingu. Watshigina gukhala mukatshi diawo ba?
