GUBUISA ATHU ALANDUDI
LONGO 10
Khala Hehi ha Gukuatesa Athu ha Gubua Alandudi
Longo dia Biblia: “Tuakhalele hehi ha gumilongesa lukuma luabonga lua Nzambi nu ha guhana monyo wetu mukunda nu enue handaga tuamizumbile muavula diago.”—1 Tes. 2:8.
Itshi Yesu Watshitshile?
1. Tala VIDEO, nga ndo tanga Yone 3:1, 2. Gungima hana mvutu gu mihu eyi:
-
Mukunda natshi Nikodemo wayile muta maga nu Yesu mu phipha?—Tala Yone 12:42, 43.
-
Luholo lutshi maga atele Yesu nu Nikodemo mu phipha akhalele mumonesa egi Yesu wakhalele hehi ha gubuisa athu alandudi?
Longo Ditshi Tuazula mu Gifezegeselo gia Yesu?
2. Ha gumonesa egi tuana zumba athu, tudi naye gukhala hehi ha guabuisa alandudi.
Landula Gifezegeselo gia Yesu
3. Longuga nu muthu wana longesa Biblia ha fundo nu mu tangua didi gumusuanguluisa. Muthu muene wajiya gutomba lusugu lumoshi mukatshi dia phoso nga tangua dimoshi ngenyi. Udi mutangiza egi muthu muene mbawusuanguluga gula mualonguga n’enji ha fundo dia mudimo, gumbo dienji, nga ha fundo dia athu avula ba? Gula luholo ludi guene, wajiya gusombegesa programe yaye ha gulonguga n’enji mu tangua nu fundo didi gumusuanguluisa.
4. Khala mulonguga n’enji muavula. Gula ushigo nu tangua dia guya mulonguga nu muthu muene, ubalegesago phoso imoshi ha guya gumutala. Ndaga wajiya gutshita jienyeji:
-
Wajiya gulonguga nu muthu muene mu tangua diko mukatshi dia phoso yene
-
Wajiya gulonguga n’enji mu telefone nga mu njila ya appel vidéo
5. Toga Yehowa aguhane matangi abonga. Toga Yehowa agukuatese hagula ubembigo gulonguga nu muthu muene ikhale gashigo mulonguga muavula, nga ndo gashigo mukalegela malongo a Biblia udi gumulongesa. (Fili. 2:13) Yajiya gukhala egi muthu muene udi nu makalegelo avula abonga; hene toga Yehowa agukuatese ha gumona makalegelo ene.
TALA NJI
Ish. 3:27; Makal. 20:35; 2 Kol. 12:15