GUSENDESA GUTA MAGA NU ATHU
LONGO 6
Uvuigo Woma ha Gulongesa
Longo dia Biblia: “Nzambi wetu watuhuile gikhesa gia gumilongesa lukuma luabonga.”—1 Tes. 2:2.
Itshi Yesu Watshitshile?
1. Tala VIDEO, nga ndo tanga Luka 19:1-7. Gungima hana mvutu gu mihu eyi:
Longo Ditshi Tuazula mu Gifezegeselo gia Yesu?
2. Tushigo naye guvua woma ha gulongesa athu a maluholo agasue.
Landula Gifezegeselo gia Yesu
3. Hagela Yehowa mutshima. Nyuma ya Nzambi yakuatesele Yesu ha gulongesa, yajiya nji gugukuatesa. (Mat. 10:19, 20; Luka 4:18) Toga Yehowa ukuateshi ha gukatula woma wa gulongesa athu anyi adi guguhana woma.—Makal. 4:29.
4. Utangijilago athu ako ndaga jiabola. Tuajiya guvua woma ha guta maga nu athu ako, handaga adi athu akoma nga aleha, adi nu umonyi wavula, adi nu lujingu luabonga nga mukunda nu gikombelelo giawo. Uvi jiya egi:
-
Yehowa nu Yesu ana jiya ndaga jidi mu mutshima wa muthu, uvi esue ndo.
-
Tuajiyilego gutangiza egi muthu muene gashigo nu funu ya ukuateshi wa Yehowa.
5. Khala nu gikhesa, nemesa athu ako, ategelele muabonga. (Mat. 10:16) Tuna khadilo dia gumana nu athu. Wajiya gubemba guta maga nu ginemua giagasue gula muthu muene gashigo mutshigina gutegelela lukuma luabonga, nga gula monyo waye udi mu gingonza.—Ish. 17:14.
