Tangua tudi mutanga Biblia, tuajiya gukalagala ba recherche ha gukotelesa ndaga tudi mutanga. Uvi tuanago gutanga phamba ha gujiya ndaga jiavula mu Biblia. Tuana tanga nji ha guheta malongo a ndando atadila makalegelo a Yehowa ajiya gutukuatesa ha gumuzumba luko muavula. Ha guheta malongo ene, tuajiya gudihula egi: ‘Verse eyi idi gungulongesa itshi mukunda nu Yehowa?’

Tuajiya nji gukamba gujiya ijiyishilo idi mumonesa luholo Yehowa wamonesele guzumba, ndunge nu ngolo jienji nu luholo luana kalagala muene ndaga mu luholo luatagana. Uvi Yehowa wana khala nji nu makalegelo ako avula anyi tuajiya nji gulonguga. Fundo ditshi wajiya guheta ndaga jiavula jiatadila makalegelo ene?

Tala liste ya makalegelo a Yehowa gubalega 50 mu Index des publications des Témoins de Jéhovah ha muto wa lumene “Jéhovah” gungima tala ha gamuto ga lumene “Qualités par nom.” Gungima kamba khadilo didi gudivua nu lumene udi mutanga. (Wajiya nji guheta malongo ene mu Guide de recherche pour les Témoins de Jéhovah, ha muto wa lumene “Jéhovah Dieu” gungima tala ha gamuto ga lumene “Qualités de Jéhovah.”)