NDAGA JIKO WAJIYA GULONGUGA
Ndaga Wajiya Gukalegela mu Gulonguga Guaye Hakhaye nga mu Gukombelela gua mu Fami
Tuana kombelela Yehowa tuangua tuana gudibungisa hamoshi nu athu ako mu hungu nu gu ba asamble. Tuana gumukombelela nji mu gulonguga guetu hakhetu nu mu Gukombelela gua mu Fami. Ha mbongo haha hadi nu ndambu ya ndaga wajiya gukalegela mu gulonguga guaye hakhaye nu mu Gukombelela gua mu Fami:
-
Khala mu londega gudibungisa gua mu hungu. Wajiya nji gulonguga ngimbo nu gukuatesa athu agasue a mu fami yaye ha gulondega komantere.
-
Tanga lumene lumoshi lua Biblia. Gungima dia gutanga, tshita gifuanesa gia ndaga watangi nga gusonega matangi a ndando wamonyi.
-
Khala mutanga isambu idi mu Biblia, khala nji mutangigiza luholo isambu yene yajiya gugukuatesa ha gulondega isambu yaye.
-
Tala video mu site jw.org, gungima izuelelenu nu athu ako nga ndo sonega matangi’a ndando wasuanguluga nawo mu video yene.
-
Khala gudilondega mukunda nu mudimo wa gulongesa. Muajiya gutshita demonstrasio ya ndaga mbamuzuelela mu mudimo wa gulongesa nu muthu mumoshi wa mu fami.
-
Khala mutala ima ya fugile Nzambi nu gutangigiza mu ima yene, nga ndo zuelela nu athu ako malongo ima yene idi gugulongesa mukunda nu Yehowa. a
a Tala longo “Khala Mulonguga Ndaga Jiatadila Yehowa mu Njila ya Ima Yafugile Muene” mu Inzo Yaleha ya Mutaledi ya Mars 2023.