NDAGA WAJIYA GUKALEGELA MU GULONGUGA GUAYE
Luholo Wajiya Gukolesela Gula Agukalegela Ndaga mu Luholo Luabola
Tanga Mukanda wa Gisendeselo 37:23-28; 39:17-23 ha gujiya luholo Yozefe wakolesele mu malamba atagenele nawo muene.
Kamba gujiya ndaga jidi gu thunda nu gu mbongo ya verse. Mukunda natshi athu akalegele Yozefe ndaga jiabola? (Gis. 37:3-11; 39:1, 6-10) Matangua guvula gutshi Yozefe wakolesele mu malamba ene? (Gis. 37:2; 41:46) Itshi Yehowa wakalegele mutangua diene mukunda nu Yozefe? Itshi gakalegelego?—Gis. 39:2, 21; w23.01 diyiji 17 par. 13.
Ndaga jiko jia ndando. Biblia yanago guzuelela egi Yozefe wakalegele ndaga imoshi ha gudibingisa tangua mukaji’a Potifale wamumbidile mambo. Uvi luholo lutshi verse eji jialandula jiajiya gutukuatesa ha gujiya mukunda natshi Yozefe wazudile desizio dia guhena tedie? Mukunda natshi ishigo nu ndando ha gukamba gujiya ndaga jiagasue? (Ish. 20:2; Yone 21:25; Makal. 21:37) Yajiya gukhala egi makalegelo atshi akuatesele Yozefe ha gukolesela mu malamba ene?—Mika 7:7; Luka 14:11; Yak. 1:2, 3.
Malongo wajiya guzula. Dihule egi:
-
‘Luholo ngudi mulandudi wa Yesu, malamba atshi ngajiya gutagana nawo?’ (Luka 21:12, 16, 17; Heb. 10:33, 34)
-
‘Luholo lutshi ngajiya gudilondega ha gukolesela nu gubinga malamba ngajiya gutagana nawo?’ (Ngi. 62:7, 8; 105:17-19; w19.07 diyiji 2-7)