Biblia Mukanda wa Nzambi Mukunda nu Athu Mbaaheta Monyo mu Mavu Ahe-Ahe Matayo-Gumonesa yazogele mu lusugu lua 20 fevrier 2022 mu Giphende. Adiangele gu enregistré programe ya gudibungisa guene gutuama. Phangi Nicolas Hifinger wa gu Komite ya Filiale ya Congo (Kinshasa) wawambelela alongeshi hehi nu 10 000 mu gudigubungisa guene egi, Biblia ya Giphende yazogi gale uvi idi phamba mu Internet (format électronique). Ya papie mbajizoga mu Avril 2022.

Giamatshidia gianginyine mu mbala ya thomo mu terituare ya Aphende hehi nu givo 1960, tangua yala mumoshi mu jina dia Makanda Madinga Henri wahetele Inzo Yaleha ya Mutaledi. Hatangele muene zulunalu yene, wakotelesele egi ndaga jiene jidi jia giamatshidia; hene wasendesele gujiwambela athu ako. Gungima wabatijiwe, wabuile Temue wa Yehowa. Uvi Hungu dia thomo dia Giphende diazogele gu Kiefu mu 1979.

Biblia eyi mbayikuatesa aphangi a mala nu akhetu ha gutshita gulonguga guawo hakhawo, nu mu mudimo wa gulongesa. Ha gufezegesa, phangi Hifinger wazuelele mu diskur dienji egi Biblia yene “yabalumuiwe mu luholo luatagana nu idi yaleba ha gukotelesa. Yavutula nji jina dia Yehowa mu mafundo agasue diakhalele mu bamaniskri akulu.”

Tudi mukombelela hagula egi Biblia eyi ikuatese aphangi’etu ha gulandula “guzola mbuto mu mudimo wagasue wabonga, nu ha gukudisa ujiyi wa giamatshidia watadila Nzambi.”—Kolosai 1:10.