Kalata yoyamba ya Yohani 3:1-24
3 Ganizirani va chikondi chikulu chomwe Ababa atiwonesa pakutichemera kuti wana wake. Ndipo ndisedi wana wake. Ndipomwapa dziko inkutidziwalini, ndawa yakuti iwadziwalini Ababa.
2 Abale wapamoyo, manje ndise wana wa Mulungu, koma pakali pano vikanati kuwonekera kuti tidzakhale wotani. Tikudziwa kuti akadzawonekera, tidzakhale ninge iye, ndawa tidzamuwone momwe aliri.
3 Ndipo aliyese yemwe ankudikhira vimwevi kuchokera kwa iye, adzichenesa ndawa iyembo ni wochena.
4 Aliyese yemwe anachizolowezi chochita chimo ankuphonyesa malamulo, ndipomwapa chimo ni kuphonyesa malamulo.
5 Imwepo munkudziwa kuti iye adawonekera kuti achose machimo yathu ndipo mwa iye mulibe chimo.
6 Aliyese yemwe ni wobverana na Yesu akhalalini na chizolowezi chochita chimo. Yemwe ali na chizolowezi chochita chimo ndiye kuti amukhulupiriralini panango kumudziwa.
7 Wana wangu wapamoyo, ayi kubvuma kuti munthu akusokereseni. Munthu yemwe achita chilungamo ni wolungama ninge momwe Yesu aliri.
8 Yemwe ali na chizolowezi chochita chimo atewedzera Ndyerekezi, ndawa Ndyerekezi wakhala ankuchimwa kundoyambira pakuyamba.* Ndipomwapa Mwana wa Mulungu adawonekera kuti adzonge basa za Ndyerekezi.
9 Aliyese yemwe ni mwana wa Mulungu akhalalini na chizolowezi chochita chimo, ndawa ali na mzimu wa Mulungu. Ndipo angakhalelini na chizolowezi chochita chimo, ndawa ni mwana wa Mulungu.
10 Wana wa Mulungu komasoti wana wa Ndyerekezi tingawadziwe na mpfundo iyi: Aliyese yemwe achitalini vachilungamo ndiye kuti atewedzeralini Mulungu, nchibodzibodzimbo yemwe akondalini m’bale wake.
11 Pale ntontholo womwe mudabva kuyambira pakuyamba ni wakuti timbakondane.
12 Osati tikhale ninge Kaini, yemwe ambatewedzera woipa ndipo adapha m’bale wake. Ndawa chani adapha m’bale wake? Ndawa yakuti vochita vake venze voipa, koma va m’bale wake venze vachilungamo.
13 Abale, ayi kudabwa kuti dziko ikuzondani.
14 Tikudziwa kuti tenze ninge wakufa koma manje ndise wamoyo ndawa tikonda abale wathu. Yemwe akondalini m’bale wake ndiye kuti adakali wakufa.
15 Aliyese yemwe azondana na m’bale wake ni wakupha munthu, ndipo munkudziwa kuti aliyese wakupha munthu adzatambirelini moyo wosapera.
16 Tadziwa chikondi ndawa yakuti Yesu Khrisitu adapereka moyo wake ndawa ya isepano, ndipo isembo tifunika kupereka moyo wathu ndawa ya abale wathu.
17 Aliyese yemwe ali na vinthu vofunika pamoyo ndipo ankuwona m’bale wake ankubonera ndawa yosowa vinthu mwivo koma osamuwonesa chifundo, ko tinganene kuti munthu moyu akonda Mulungu?
18 Wana wangu wapamoyo, osati timbakondane na mawu yokha panango na pakamwa pokha, koma timbawonesane chikondi chaicho mu vochita vathu.
19 Tikambachita vimwevi tidzawonese kuti titewedza mpfundo za chonadi. Ndipo tidzatsimikizire mitima yathu kuti Mulungu ankutionalini kuti ndise ophonya
20 pa chirichose chomwe mitima yathu ingatitsutse, ndawa Mulungu ni nkulu kuposha mitima yathu ndipo adziwa vose.
21 Abale wapamoyo, peno mitima yathu yakutitsutsalini, tingakwanise kuyankhula momasuka na Mulungu.
22 Ndipo chirichose chomwe tingamukumbire adzatipase, ndawa tibvera malamulo yake komasoti tikuchita vinthu vomukondweresa.
23 Lamulo yomwe adatipasa ni yakuti, tikhale na chikhulupiriro mudzina ya Mwana wake Yesu Khrisitu komasoti timbakondane, ninge momwe iye adatilamulira.
24 Komasoti munthu wobvera malamulo yake apitiriza kukhala wobverana naye ndipo iyembo akhala wobverana na munthu muyo. Komasoti ndawa ya mzimu womwe adatipasa, tidziwa kuti ndise wobverana naye.
Mawu ya m’nyantsi
^ Panango kuti: “kundoyambira padapanduka.”
