Kalata yoyamba ya Yohani 4:1-21
4 Abale wapamoyo, ayi kumbakhulupirira mawu yaliyose youziriwa, koma mumbafufuze mawu youziriwa mwayo kuti muwone peno ni yochokeradi kwa Mulungu, ndawa aneneri wabodza azinji ayamba kugumanika mudziko iyi.
2 Kuti tidziwe peno mawu youziriwa ni yochokeradi kwa Mulungu, tidziwira ivi: Mawu yaliyose youziriwa yomwe yadawikiza vakuti Yesu adabwera ninge munthu ni yochokera kwa Mulungu.
3 Koma mawu yaliyose youziriwa yomwe yatsutsa vakuti Yesu adabwera ninge munthu, yamwayo ni yochokeralini kwa Mulungu. Mawu mwayo ni youziriwa na wolamba Khrisitu. Mudabva kuti wolamba Khrisitu moyu adzayankhule mawu mwayo ndipo manjeuno ankuyayankhuladi mudziko iyi.
4 Wana wapamoyo, imwepo ndimwe wochokera kwa Mulungu, ndipo mwagonjesa aneneri mwawo wabodza. Viriteno ndawa yemwe ni wobverana na imwepo ni nkulu kuposha yemwe ni wobverana na dziko.
5 Aneneri wabodza mwawa ni wochokera mudziko iyi, ndipomwapa ayankhula vinthu vobverana na dziko mweyi ndipo dziko iwabvera.
6 Ise tidachokera kwa Mulungu. Yemwe adziwa Mulungu atibvera, yemwe alibe kuchokera kwa Mulungu atibveralini. Momu ni momwe tidziwira mawu chaiyo panango mawu youziriwa yabodza.
7 Abale wapamoyo, naboni tipitirize kukondana, ndawa chikondi chichokera kwa Mulungu. Aliyese yemwe akonda wanthu anango, ni mwana wa Mulungu ndipo ankudziwa Mulungu.
8 Munthu yemwe akondalini wanthu anango adziwalini Mulungu, ndawa Mulungu ni chikondi.
9 Vomwe Mulungu adachita pakutiwonesa chikondi chake ni ivi: Adatumiza mwana wake wobadwa yekha mudziko iyi kuti tidzagumane moyo wosapera kupitira mwa iye.
10 Mulungu adatumiza Mwana wake ninge ntsembe yobisa machimo yathu. Adachita vimwevi ndawa yakuti atikonda, osati ndawa yakuti isepano ndise omwe tidamukonda.
11 Abale wapamoyo, peno Mulungu adatikonda tene, ndiye kuti isembo tifunika kumbakondana.
12 Palibe yemwe adaonako kale Mulungu. Tikapitiriza kukondana, Mulungu apitirize kukhala nase ndipo ambatiwonese chikondi chake mokwanira.
13 Tinkudziwa kuti ndise wobverana naye komasoti iye niwobverana na isepano ndawa watipasa mzimu wake.
14 Komasoti isepano tawona ndipo tinkuchitira umboni kuti Ababa adatumiza Mwana wake kuti akhale mpulumusi wadziko.
15 Aliyese yemwe abvuma kuti Yesu Khrisitu ni Mwana wa Mulungu, apitiriza kukhala wobverana na Mulungu ndipo Mulungu akhalambo wobverana naye.
16 Isepano tinkudziwa ndipo tikhulupirira kuti Mulungu atikonda.
Mulungu ni chikondi, ndipo munthu yemwe apitiriza kuwonesa chikondi, apitiriza kukhala wobverana na Mulungu ndipo Mulungu akhala wobverana naye.
17 Ndipomwapa isepano tikuwonesa chikondi mokwanira kuti tidzakwanise kuyankhula momasuka* pantsiku yachiweruzo, ndawa momwe Yesu Khrisitu aliri, ni momwe isembo tiliri mudziko iyi.
18 Mantha yatichitisa kukhala womangika. Koma munthu yemwe akonda Mulungu achitalini mantha, ndawa chikondi chomwe chiri chokwana chimalisa mantha. Munthu yemwe achita mantha, chikondi chake ni chosakwana.
19 Ise tiwonesa chikondi, ndawa Mulungu ndiye adayamba kutikonda.
20 Peno munango anena kuti: “Nikonda Mulungu,” koma nkumbazondana na m’bale wake, ndiye kuti ni wabodza. Ndawa yemwe akondalini m’bale wake yemwe amuwona, angakondelini Mulungu yemwe akanati kumuwonako.
21 Ndipo iye adatipasa lamulo yakuti, munthu yemwe akonda Mulungu ambakonde pomwe m’bale wake.
Mawu ya m’nyantsi
^ Panango kuti: “motsimikiza.”